滯留多倫多

2008.01.23 to 24

第 320 次飛行

上回講到老總打電話黎...

之前其實都聽s & f 講過, 個日我地去個班機engine 壞左, 所以班同事番唔到香港, 之後那晚就收到老總電話, 說班機會delay, 起碼delay 到下午一點...仲叫我地唔好咁早訓...

結果個晚我真係好遲先訓, 原本我地應該第二朝6 點半pick up, 點知到8 點醒左...都未見有msg話改幾時再 pick up..等到9 點, 先收到 msg 話 11 點pick up...咁我around 10 點就開始準備, 點知差唔多 10 點, 當我著好衫, 紮好頭髮, 準備化妝時, 有同事打俾我, 話冇限期delay...那時我先睇msg light 又係度閃...check 番先知真係又無限期delay.....好彩那時未化妝...

過多陣, 又收到msg, 以為走得, 點知原來係叫我地去lobby 拎 extra allowance, 於是我與 s & f 拎完d allowance, 就去左附近買外賣返酒店食....

三人行 Niagara Falls

2008.01.21 to 22

難得有機會黎到多倫多, 一心都諗住去 niagara falls, 起初諗住自己一個人join tour 去既, 點知入briefing room 時, 同事s & f 兩位classmates 問有冇人有興趣去 niagara falls,  咁我梗係join 埋佢地啦!

第一晚去到, 阿姐j 話有巴士去casino, 好平, 只係需要 CAD $ 5 就去到...阿姐指一指左邊的方向, 話行一陣就會見到, 於是我地第2 日就向住左邊咁行, 點知行左成個鐘, 一個中文字的舖頭都見唔到... 係零下 12 度的天氣下, 雖然我地已經著左厚厚的外衣, 但地上的寒氣, 滲入鞋底, 再滲入腳底, 令到雙腳已經好唔係唔自己咁.... 我地由9 點半行到 10 點半都未搵到...去睇greyhound 的巴士又好貴下, 結果我地決定回酒店唔理阿姐訓醒未, 都照打個電話問佢個間tour office 究竟係邊...阿姐勁好人, 冇怪我地嘈醒左佢, 仲立即走落黎, 帶我地去過一條街 "泰安旅行社", 而我地好好彩, 趕得切 11: 40 分的巴士... 於是我地立即去麥記買d 野食, 就坐兩個鐘頭巴士去Niagara Falls 既 casino....

我是不可以放棄的...

2008.01.20

第 320 次飛行

這次可謂出師不利....

由於去多倫多這麼長途的關係, 所以乘客帶上黎的行李都十分大件...期間, 有位乘客要求我幫佢將行李放上去...點知我拎一拎, 覺得重, 於是我叫佢同我一齊搬, 點知我發覺都係拎唔掂, 當時好多同事都好忙...我只好叫一位男乘客幫一幫手...3 個人一齊拎件行李上去, 點知中途, 物主let go 左件行李, 而幫手的男乘客係咁叫"it's too heavy!", 當時孤菇的手已經叫係離開左行李的狀態..而件行李亦跌左落黎...就快跌係一對年老的 couple 頭上, 危急之下, 我用了自己的左手頂住...由於那件行李太重的關係...行李將我的左手扭向左邊....我就眼白白睇住我隻左手受傷, 扭傷, 叫痛, 而我眼淚也差點飛了出來....那一刻, 我以為我的左手就咁殘廢...因為那時完全係痛左唔識動....我只係識用右手攬住隻左手叫:" 好痛好痛..." 當時對面aisle 的同事s見到...立即走黎幫手拎行李, 但已經趕唔切, 我已經受了傷, 同事s 立即一邊叫我回galley 用冰敷, 一邊係咁鬧個客....用冰敷左, 好了點...但都係痛...連關overhead locker 的力都冇.....同事s 叫我不如而家port sick...但想起5 天多倫多的飛行時間及allowance, 我就唔捨得, 加上我last min port sick, 同事們會少了一個人工作, 也不太好...最後我決定繼續飛....呢個時候, 真係要學下長今精神..."我係唔可以放棄既!"

如我所料

2008.01.16

這天...係training 的最後一日...首先講下 1 st aid...之後就去左救火...然後就係test...去到test 的時候, 我真係眼訓到做做下差d 訓左...我堅持著....極速地做哂去...真係好極速....第一個做完走人...卷都唔想再返睇...只係想快d 出去sofa 訓...

下午又係比較悶的section...幸好我有香口膠呢位好朋友, 先捱到放學....

另外今日仲係出 roster 的大日子, 如我所料, 我新年真係要 standby, 已經半年冇standby, 今次一俾就兩個week, 真係多謝哂, 我又冇因為咁而唔開心...反而最唔開心既係叫我年三十晚飛我最憎的 713...

一千零一個眼訓

2008.01.15

今日比昨日更難捱...早上有教點對付d unruly pax, 學下手扣, 同埋有一個mock up exercise 要做....同埋有樣野新既就係要學下點處理機上的炸彈....上年只係講下個checklist, 但今年直情要做埋出黎, 下午就比較重要d, 因為講emergency equipment 同埋 dangerous goods, 由於前日訓得唔夠, 昨晚雖然早訓左, 但今朝又要早起, 加上今日又係第2 日, 所以更加辛苦.... 有幾次我幾乎訓著.... 結果只好去買左兩包香口膠捱到放學...

一眼訓, 好多時俾trainer 問書, 都會唔小心答錯...下面就係孤菇個case...

話說trainer 問見到 oven fire (裡面有garlic bread), 咁點做?

天主知我寂寞

2008.01.14

今日開始一連3 日的annual training....

自上年開始, 已經再冇classmates 同我一齊上 training, 上年諗住會悶到死, 但點知俾我見番一d 飛過的同事....之後到今年, 我又以為自己又會悶足 3 日, 點知今日行到入去, 竟然俾我遇返那位一齊去 LA"o岩咀型"的同事...哈哈哈! 幸好...佢仲記得我....(不過佢又冇可能唔記得我, 話哂我同佢係 LA食左 5 個鐘頭早餐) 後來這位同事e 有什麼活動, 都自動走埋黎同我一group...不過我地兩個就成日做錯一d 好 minor 既野....哈哈!

其實我根本不用擔心太多, 因為天主已經為我安排一切....

減產

2008.01.10 to 11

第 319 次飛行

這次我要去的地方係日本的福崗....4 程竟然都唔full, 仲要係 business class 做, 重點係d 客唔係點食野, 所以真係遊閒得很....

去到福崗, 同事們打算去遠d個間食拉麵, 同埋去大掃貨...但我唔想買太多野, 同埋幾凍唔想行太遠, 最後只係同紫姐去左對面食拉麵算了....點知就係門口, 遇到兩位日本男人係度撩我地....我好懷疑其中一個飲醉左少少...因為佢成個人撞埋去個垃圾桶度... 嚇到我同阿姐一買完飛就入左去拉麵館坐...點知隔左一陣, 兩位男人又入左黎, 仲坐係我隔離....之後醉醉地那個男人又用日文同我講野, 我扮聽唔到, 其實我根本都聽唔明佢地講乜...呵呵! 紫姐話快d 食完快d 走...結果係佢地走先....等佢地走左一陣, 我地先走....

點知係出面又見到佢地兩個....

久別了的奧克蘭

2008.01.06 to 07

已經差不多3 年沒有來奧克蘭..........

第一日到奧克蘭的時候係早上時分, 個個第一時間去左訓覺...再相約夜晚去dinner...係阿哥係介紹下, 我地去左下面queens st 呢間Nando's 食雞雞!

孤菇叫左個 half chicken meal...真係yummi!  好食到第二日我要encore 多次...呵呵!

 

第二天, 朋友e 亦都到左奧克蘭, 我帶佢 encore 番第一晚的 half chicken 後, 就決定去 one tree hill, 這個地方, 很久之前就好想去, 但好多時自己一個人都冇乜動力去...這次有朋友陪同, 問了酒店來回one tree hill 的方法後, 我地就出發....

去的時候我地分別坐左兩次巴士先到....但由於同酒店俾我地的 info 有少少出入, 結果都係要問巴士司機係邊個站落... 大慨半個鐘就到達 one tree hill....

稱職的老總

2008.01.05 to 08

第 318 次飛行

已經有成3 年冇做過奧克蘭機, 雖然這次兩程機都係full, 回程有一班北京團...(幸好他們都十分有禮貌), 兩程夾埋20 個鐘都係冇停過咁去餐, 去drink, 同埋去杯麵, 但多左老總的幫手, 成程機真係唔同d...

本來呢班機, 我係唔需要做duty free 的, 但點知因為做duty free position 的同事係未train 做bar sales 既, 所以係老總的大執位下, 我竟然被assign 賣bar...當中我知道有另一位sales team 的同事, 佢都有叫我俾個位佢做, 但...既然個天俾左呢個位我做, 我都唔想調走...呵呵! 最後仲賣左好多好多錢...

發惡

2008.01.01

話說前幾日, 我又收到公司 e-mail, 話我12 月中有班 LA 機唔見左隻錶....每次我收到呢d e-mail, 我都會拎番個班機 的 opening 同 closing seal checklist 對下, 睇下自己有冇開過那個compartment... 但今次, opening 同 closing seal number 都係一樣, 即係證明我從來都未開過那個compartment, 咁何來會唔見左隻錶呢?  咁我見o岩o岩呢班LA 機係正 office hour 時間, 所以又上左公司2 樓搵鑽石先生寫 report...