一個錯誤, 不是一個人的錯

第 662 次飛行

最近, 飛了班滿肚怨氣的一班機...

去程, 因為座位的問題, 我已被弄到一頭煙, 囡囡3號笑說:"落左機一定要去拜四角, 希望回程會順順利利"...

我還笑說:"我覺得要拜埋四條邊囉..."

結果, 因為香港有颱風的關係, 要延遲一天回港, 而可能很多乘客都已經轉乘其他航班, 那天回程時, 機上的乘客比原本的更少, 只是1/2 loading...

"拜四角"似乎很有效啊!

可惜, 一件小事糟蹋了大家原本開開心心的心情....

事件發生左第二餐剛剛開始時...

大家姐打電話給我...


大家姐: 我想問下你, 有冇囡囡同你講34A投訴左兩次cabin 太凍? 又或者你知唔知有件咁既事?

我: 咦? 我唔知喎, 一陣會問下佢地...

當時囡囡2號與4號在派餐中, 而由於她們是負責34A 客人的範圍, 我打算先問她們, 所以當我為她們補給東西的時候, 我順便問問她們知不知道這件事...

囡囡4號答沒有, 而囡囡2 號答我有.....一次....

回到廚房, 我打電話給大家姐告之...

大家姐(反應很大): 咁點解我問囡囡2 號果陣, 佢答我冇? 點解佢要呃我???? 究竟件事係點? 你搞掂完話我知!!

後來由於囡囡1 號與3 號剛剛要回廚房換餐車, 我又問一問...

囡囡1 號完全不知情, 而囡囡3 號答我有....一次....

然後我就組織了整件事....

(我與囡囡2 號及4 號是第一組去休息的, 而大家姐與囡囡1 號與3 號是第2 組去休息的)

我去休息期間, 只有囡囡1 號與3 號當值, 34A 第一次接觸的是囡囡3號....囡囡3 號於是將溫度調教到24 度, 她較溫度的時候, 商務客艙的兩位同事是知情的.....然後我與囡囡2 號及4 號休息回來, 34A 第二之接觸的是囡囡2號...囡囡2 號又再去調較溫度去到25 度...但囡囡2 號及3 號都從來沒有對我說過調教溫度這件事, 因為她們覺得這只是一件小事, 沒有需要通知我....

之後34A 第三次接觸的人是大家姐, 亦是第二餐剛剛開始的時候....34A 稱他"投訴"了兩次機艙太凍....(後來我接觸過34A 客人幾次, 我發覺實情是, 乘客只是反映, 根本沒有打算投訴, 只是他用的字眼"投訴"誇大了事件的嚴重性, 而大家姐亦因為這個"投訴"字眼將件事化到無限大), 於是大家姐就問囡囡2 號及4 號, "有冇客向你地投訴左兩次cabin 太凍", 由於當時大家姐是站在囡囡4 號隔離, 所以囡囡4 號聽得很清楚大家姐問什麼....但在餐車另一端的囡囡2 號聽得不太清楚, 而囡囡只聽到什麼什麼兩次, 而在她身上又沒有發生過"兩次"的事, 於是她答"沒有"...之後大家姐離開去再調教溫度去到26 度...那時囡囡2 號再問囡囡4 號大家姐其實在問什麼....那時囡囡2 號先說"有呀, 但只得一次", 但由於大家姐已經離去較溫度, 所以她們打算事後才再向大家姐更正此事....

之後大家姐就打電話給我, 然後就發生以上的情節....

我組織完整件事告訴大家姐後, 她生氣地說:"一陣你地3 個(我, 囡囡2 號及4 號)做哂 service 上黎見我!!!!"

但不久, service 還未完, 我就見到她氣沖沖走到我的廚房去....

我見她這麼氣沖沖, 心想她可能想早點見我們3 位, 於是我調配了一下人手, 將囡囡3 號調去另一邊aisle 做collection, 以便我, 囡囡2 號及4號與大家姐傾計.....

她忽然微笑著說:"做埋service 先傾"....

但過了幾秒....她又黑了面, 不滿的語氣道:"點解你要將囡囡1 號放係另一邊aisle? 乜果個zone 係佢負責架咩?"

最後我將囡囡1,2,3,4 號歸位, 在廚房內, 只得大家姐與我, 她開始與我傾談...

當然她首先又再問多次事件的來龍去脈, 之後開始去到重心...."你覺得佢地做成點?","你覺得邊個做得唔好?"blahblahblah....其實她的心中已經有她的答案.....而好明顯她已瞄盡了某一位....被轟完一輪, 她又笑說:"你同我都係太林善啦, 咁樣有好有唔好.... " 其實我覺得有些囡囡不是做得很好, 但又不是做得唔好, 中規中矩, 我覺得沒有必要因為單單一件事而要釘死某人....

後來4 位囡囡都收完餐回來, 大家姐又再叮囑我們3 位一會兒上來見她.....

當我與囡囡2 號及4 號準備上去見大家姐時....囡囡3 號問我:"我洗唔洗上埋去呀? 話哂我都有錯, 我冇話俾你知有件咁既事...", 但我說, 不用啦, 既然大家姐說3 位就3 位, 我不想再折外生枝....

被訓話是無可避免的事....講到尾, 大家姐最不忿是她覺得有人存心斯騙她, 這個我都明白, 比著我, 我都會不快樂...但我認為事件的發生, 不止是一個人的錯, 如果囡囡2 號聽清楚大家姐的問題而答到正確的答案, 又如果囡囡2 號及3 號將有客投訴機艙太凍告訴我, 又如果我休息回來, 有問囡囡們有沒有特別事發生(雖然之後我說了這個如果後, 囡囡們都告訴我, 就算我問了, 她們都應該不會對我說, 因為認為這是小事).....如果...如果....

不過有一個如果我總是想不明白....大家姐一直都沒有訓話與事件有關囡囡3 號, 為什麼呢? 後來囡囡3 號告訴我, 她與大家姐是同一組當值的, 當34A 告訴她機艙太凍時, 當她去到前面較溫度的時候, 只有兩位商務客艙的同事在場, 那麼大家姐呢? 囡囡說她在某處熄了燈, 拉埋簾...她在做什麼呢? 我不在場, 不想直說....讀者自己估....如果大家姐不是在做"那件事", 我相信事件的結果一定不會是這樣.....

又如果如果.....

其實大家姐最後將溫度調較到26 度後, 有叫我去再看看34A客人現在感覺怎樣...
 
34A 那客人當時說好了很多, 不再凍....還問我感覺如何, 我答:"it's very hot!", 他還笑說可能我不斷走來走去, 所以不覺得凍....

當時我見到的是...他身穿短袖衫, 身旁有兩至三張未開封的毛毯!!!!!!!!!!

如果你一早肯蓋著毛毯, 就什麼事都沒有! (係呀...係賴你架啦!!!!)

連累的不止我與一班囡囡們, 連機上其餘所有乘客在餘下的機程都享受著26 號的焗熱氣溫!

去到這個時候, 我覺得有人絕對"玩野"中....我實在想不到有什麼可能為了一個人而將整架機的溫度調教到26 度那麼變態.....

今次我又得到一些"寶貴"的經驗...

"我都話要拜埋四條邊架啦..." 嘻嘻....

(以上的事件, 如有類同, 實屬巧合)