機上瑣碎事

2007.02.24

第 237 次飛行

機上, 總是有很多瑣碎事...

去LA 個程, 當第一GROUP 同事去了rest 時, 有位外國男人時時都走左入黎galley 內問東問西...又時時問我們拎啤酒飲..後來有一次, galley 內 on duty的3 位同事, 包括我, 出去 cabin 去左一轉水...而我係第一位再回galley 的人, 一入galley, 又見到這外國男人, 他一手拎住未開封的啤酒, 另一隻手就拎住一隻有冰的水杯, 由於我是第一個回galley 的人, 同埋我覺得那外國男人的眼神怪怪的, 所以我有理由相信佢自己打開個cart 自己拎啤酒出來...後來老總來經濟客艙巡視..向我說那位外國男人好似飲醉了...之後我向她說了剛剛我看到的事...老總立即想了一個方法, 就是lock 哂d cart....這個方法, 我真的沒想過呢! 不過自那次後, 我們3 人on duty時, 總會要其中一位同事留守在galley 內, 而那位男人, 當然再沒法取去cart 內的啤酒...

碌呀碌, 摸呀摸

2007.02.21

第 237 次飛行

4 月前最後一班機就係前往羅省, 呢班機真的令我回憶多多, 在同一個galley, serve 同一個zone...不過已經人面全非了, 今天那個座位上, 坐著的並不是你, 而是一位菲菲...

回到公司sign in 時, 竟然有人叫我的名字...一望, 我都認得那女同事, 但我已經不記得她叫什麼名字, 我只知道我應該有差不多兩年無與這同事e 飛...原來今日我與她又在同一班機上工作...後來我問她怎麼會記得我, 因為以我記得, 我們最多只係飛過一次, 放工後連電話都沒有交換, 加上都過了應該差唔多兩年, 還記得我, 更記得清楚我的名字, 真的令我有點驚...  她說認得我係因為我的髮型, 同埋記得我工作時紮起頭髮與去到outport披散曲髮, 是兩個樣子....她還向同事說我披散頭髮時美得多...謝謝了, 話時話, 我都不明白為何我紮起頭髮好像第2 個人, 更加不明白為何我紮起頭髮時, 是那麼"土"...

今程機並不是full load, 大約200人...加上又是夜機, 所以不太辛苦...最多也只是捱夜, 但這是我的強項, 哈哈!

來回熱情島

2007.02.19

第 236 次飛行

之前為了與他一起去倫敦, 所以代價就係要硬食今日呢班即日來回...呢一班機, 我好少做, 因為一向都知道乘客會喪飲, 數下數下, 都有成兩年冇做呢班機了, 今次分別最大既係, 呢班機由空中巴士, 轉左用jumbo 機..哈哈!  還聽說, 這班機時時都好full, 可能這地方一年4 季都適合旅遊吧...

這地方就係峇里島了...

一大早起身, 雖然好眼訓, 但因為仲係holiday mood 中, 所以心情仍然是愉快的...

回到公司sign in, 果然好多人port sick, downgrade 左個紅姐, 都仲要少左一位同級同事工作, 班機仲要係overbooked, 我與幾位同事心想, 今次一定會好辛苦了....後來入到 briefing room, 公司臨時加番位同級同事係我班機上...才有一點安慰...

由於係年初二, 老總一入到黎就派利是, 皆大歡喜! 不過呢位老總我唔應該用"老" 黎形容, 因為上一次同佢飛的時候, 大約一年前, 佢係我心中留下幾深刻印象...因為我覺得佢好後生啊!  仲記得上次同佢飛alaska - toranto, 得我同佢係galley 傾計..乜都傾一餐, 佢仲係其中一程機上, 捉左我入去cockpit坐左幾個鐘先俾我番出黎....真係多謝哂佢囉... anyway, 見到佢入黎的時候, 自覺新一年有個好開始咁...

256

2007.02.14

第 235 次飛行

今早, 如果你冇打俾我, 我諗住唔去食早餐了, 點知你最後7 點打左黎, 都好吧! 起初情人節都有人陪下我食下早餐, 然後先上機工作...

回程, 兩百幾位客人...基本上都冇乜特別的事發生, 來來去去都係有寢自己倒瀉左飲料...又好似有d 客明明冇order 到childmeal, 但又話自己有叫到, 點知問多佢一兩次, 原來真係冇叫到...之後又係杯麵戰...多得老總的幫手, 唔係真係有排做...另外總係有d 客人等得唔耐煩, 入黎galley 催我, 但催我都冇用, 我得一雙手, 一雙腳, 能力都是有限的...希望你地體諒....第一group 去休息的同事都未番黎, 我地已經去哂所有杯麵了...

回程只得10 小時, 所以時間過得好快, 差唔多落機, 我地先知昨日係其中一位同事的生日, 於是我地臨landing 前, 速速黎左個小小慶祝....係度, 我祝你新婚愉快吧!

倫敦．念念不忘

2007.02.13

今早與你食完早餐後，就坐 10點幾的shuttle 出發...出到downtown 已經 11 點幾了...

係london 坐tube 我覺得都幾方便, 不過大部分的車站都比較舊, 但下面呢條jubilee line 比較 cyber..

21

2007.02.12

第 235 次飛行

的士司機以120 的高速回到公司...

番到公司, 除左睇到看門口的阿姐同埋一齊去London 的機組人員外, 什麼職員都見不到...連係公司 check in baggage 都不可以了...

5 點鐘, 大家坐係briefing room 內, 都好眼訓, 我的朋友I 小姐, 連早餐都未食...因為大家都好眼訓的關係, briefing 好快就完結...hehe... 我做咁耐都未試過咁早飛一班long flight...連頭先的士司機聽到我飛long flight 都 O 哂咀...

飛行經典事件簿之二

2007.02.10

第 234 次飛行

第一程, 後面阿姐v 同我阿姐p 講要keep crew meal, 因為keep 左crew meal, 變左今程我地應該需要商務大量的 overthrow...我地跟番昨日的 service flow, 今次我就做tray, 我partner 就做drink...去到door3, 又係得番自己一個人做one man cart...點知我同後面的partner 同事 c 仲有7-8 行先meet 到, 但我個cart, tray 又冇, main course 又冇...阿姐p 問過我仲要幾多tray 同main course, 而我係同佢講過exact 數目, 但我等極都收唔到任何tray 同main course, 而同時, 同事c 個cart 開始乜都冇...最後我頂唔順, 麻煩同事c 將佢個cart推番入galley, 而我就泊好自己個cart, 搵tray 同 main course 俾同事c 繼續去 service 好過了, 因為我個cart 乜都冇, stuck 係cabin 都做唔到d乜....呢個時候, 又俾我目擊阿姐p 又失控...話說阿姐p 問另一邊有冇extra tray 同 main course, 同事們都數緊...點知阿姐p 仲繼續問相同的問題...最後另一邊的同事終於發火...好大聲講左一句: " i m counting!", 唉, 嚇鬼死我咩?!  後黎阿姐p 又未得商務的同事批准拎走哂商務其中一款 main course, 搞到後來商務有位同事又有點氣沖沖走番落黎拎番阿姐p 之前拎走左的main course...呢個時候我已經再冇時間驚, 因為仲有成5行客人都冇main course, 到我地有商務main course 的 overthrow 時, 另一邊的日本同事竟然問都問冇我與同事c, 就拎走我地d main course...我地都唔夠....仲要俾對面拎左... 事後同事c 說日本同事好自私, 其實我都有點認同, 我唔開心係佢問都冇問我地就拎左d main course...只是覺得這是禮貌的一種...

我．好安靜

2007.02.09

今次又食唔到toro飯, 次次都話sold out, 激死我....之後又係機場行下, 買多兩支macara...haha! 好似驚死以後冇機會黎咁....

同事們都吐好多苦水....講開 crew meal, 原來今日我地有crew meal, 但 點解阿姐p 冇release 俾我地食既? 搞到都係做經濟客艙的阿姐v 好嬲....決定要做番d野....

忽然我又感覺到明天又會有火藥味....成餐晚飯, 我都冇乜兩句, 只係想好好enjoy 我既魚生飯, 同埋訓個好覺, 明天再作戰......

我的心一直都好安靜, 直至我回到房計下 duty free 條數, 發覺自己收少左其中一位乘客 100 人民幣...

飛行經典事件簿之一

2007.02.09

第 234 次飛行

呢班機, 算係我做左咁耐以黎, 暫時最經典的一班機...

原因係來自老總是"十大" or "top 10"之一..."十大", "top 10" 係指最難哽的一群老總..當然我同好幾個飛過, 我可以接受, 但今次呢一個...我覺得係"top 1" 先o岩..."十大"中的經典... 一位來自日本, 又係負責係training school 教的老總...

briefng 的時候, 佢第一個問題就係"how would you like to feel when you come back to HK tomorrow?" 梗係我地做細既答啦...點知個個答案都係 happy, 搞到場面有點尷尬...之後又問: "how will you do to make this flight happy?", 之後我地又吹水...就係咁, 吹左廿分鐘...

無能為力

2007.02.07 to 08

第 233 次飛行

第一程去東京唔full, 仲好light loading...大家一做完 service,就傾下一陣去買乜野, 同埋有幾多人出去, 要坐幾多架的士...計計下, 有成半set crew, 10 個左右會出去呢!

呢一程機令我深刻既有一位女乘客, 佢同我買野, 點知我又冇咁多錢找俾佢, 咁我問佢介唔介意碌card, 呢個時候, 佢眼濕濕咁同我講佢係香港跌左張 credit card, 最後找錢的問題解決左, 但估唔到佢由頭到尾都笑笑口, 但其實個心係咁唔開心...對於佢唔見左張卡, 我地真係無能為力...

眨眼間, 3 小時又過了, 終於到左東京, 而家轉左ternimal 2, 要行好耐先出到機場咁...好似番左香港咁..terminal 2 的感覺好似冇terminal 1 咁新...同埋最令我意外係..以後唔駛去北海道買白之戀人啦, 係成田機場原來都有得買...

少了一個人

2007.02.04

第232 次飛行

今日星期日, 應該好多同事請左假, 我sign in 的時候, 聽到有人同老總講今日唔夠man power, 所以你班機會少左一個crew (即係少左同我一級的同事), 亦說今日有好幾班機都係咁...

上到機, 由於經濟客艙少了一位同事, 所以有點吃力...galley 只係得同阿姐, boarding 的時候, 成半個經濟客艙都係我負責...真係未起飛已經累死...而阿姐好唔開心, 因為前面商務只係得1/3 loading, 前面有成6 位同事...都唔release 一兩位同事落黎幫手...終於做service 時, 紫姐先肯 release 一位同事黎幫手去cart..就係咁, 我地終於順利完成...

Where is the bottle of Rum?

2007.02.01

第 231 次飛行

回程, 係一班full load機, 唯一我安慰既就係night flight...

因為去個程工作時的感覺不是太好, 加上已經知道partner 是怎麼樣...所以未上機前, 我就已經諗好哂上到機要做d 乜乜乜...忽然覺得有d 壓力, 可能full load 啦, 唔想做得唔好...今次為免又出錯, 我提議我派overnight kit, 佢派headset 就可以了...