瑞士(上) - Zurich

第 762 次飛行

係機上同班客玩完一場12 個鐘既激戰後, 終於黎到公司重開既航點 - 瑞士既蘇黎世...

不過我一d都唔覺得興奮, 因為我上年自己請左10 日假黎呢度玩 (blog 係冇提及到, 因為我之前既外遊行蹤仲未打到個篇, 要睇, 以我咁懶既個性, 應該仲要等多3,5,7 年),  當時都仲未知道今年會重開呢條航線...

我好鍾意呢個國家, 似我, 中立, 和平, 不過我唔富裕....事實上, 上年黎玩既時候, 呢個國家俾我既感覺係好和平, 國民都比其他歐洲國家友善...

下午我就同左我既batchmate 仲有幾位同事去左市中心行下....同埋醫肚....

 

發覺呢度同德國一樣, 主菜一定有既...........腸.............

 

 

另外有同事介紹呢個烤芝士, 然後同其他蔬菜夾埋一齊食...(但我已經唔記得呢道菜係叫咩)...

 

多謝好心人士話俾我聽呢道菜係叫"raclette"... =)

 

其實食落去冇咩特別, 只係烤芝士既過程應該幾好玩 (見到同事玩得好開心), 我就冇咩興趣啦, 因為當時天氣仲係好熱, 餐廳內又冇冷氣, 仲要有舊咁既野搞到自己興烚烚....

 

黎到瑞士, 當然唔少得食返個芝士火煱....不過千祈唔好有期望............

 

食飽飽, 就係市中心周圍行下....

如果唔想行咁多路, 可以係碼頭乘坐遊船係市中心內兜風....

 

始終因為返工而黎到呢度既心情, 同埋真正自己買機票黎呢度(我買full fare 架)玩既心情係好唔同....

 

(待續)