我與師機的俏俏話 (節錄)

第 568, 569 次飛行

除了為乘客準備膳食外, 現在的我有時還要處理埋機師們的膳食....

幸好, 到現時為止, 我遇到的機師們都是友善的....至少不會在我做service 時打擾我....感激感激.....

不過偶然都會遇到一些趣事....

某某長途航班....

駕駛艙當值人士: FO + SO (First officer + Second officer)

時間: 做完第二餐

(註: 在第二餐開始前不足5 分鐘, 我遞上了一份湯麵給SO 吃....而第二餐只做了一小時就完成)

"ding-dong..."

我: This is xxx. The meal service is just finished, are you guys alright?

(SO 接聽)

SO: 我地ok 呀...

我: 咁你幫我問下FO 食唔食早餐啦...
SO: 佢話佢唔食喎...

我: 佢真係唔食呀? 咁飲唔飲野呀?

SO: 佢話佢唔飲啦喎...

我: 哦, 咁好啦...

(準備收線時...)

SO: 點解你係咁問FO 食唔食野, 但唔問下我食唔食野既? (語氣中帶點妒忌)

我: (咳咳) 因為...唔....因為...你食左好多野啦喎!

(對唔住, 我係咁直接架啦!!!哈哈!!!)

(註FO 係食完第一餐後, 就冇再食過同飲過野, 即是已經有成4-5 個鐘冇食野....)

對方Dead air 左10 秒...再尷尬地笑...

我: 頭先第二餐開始果時, 你食左碗麵, 我先冇諗到你仲想食麻!!! (我好努力咁去兜....) 你想食乜野早餐呀? 我而家得閒整俾你食架...

SO: 我想知客餐有乜野?

(估唔到你人仔細細, 咁鬼食得..)

收線後, 阿姐好奇地問我點解一邊同機師講電話, 一邊係咁笑....(因為SO 全程用廣東話同我傾計, 所以在旁的外籍阿姐聽唔明我地講緊乜...)

唔知係唔係因為我咁同SO 講完, 佢之後不斷成日走黎唔該我....

其實我真係冇心咁講....之後回想起我差不多完成第一餐時, 見到佢係廚房外面望下望下個樣, 就知佢好想食野, 但當時有樣好緊要既野我一定要做左先, 就係要...

剪。走。崩。了。的。指。甲......

不過看見他的表情, 我忍唔住笑...

因為佢....好....可...愛...... =)

由於機師們都是機組人員之一, 沒有他們, 我們都不能由一處飛到另一處....所以膳食方面, 我會盡量迎合他們的要求....最緊要係唔該俾少少時間我去準備....同埋態度好, 就得啦...

除了聽到乘客對我說多謝外, 每次機師們走到我面前對我說聲"Thank you, xxx"時, 我都覺得好窩心架....! (至少我知道自己的努力沒有白費)