看我的blog 的人都知道, 我時時都做美加機...
做美國機有一個好特別的地方, 就是如果我們派錯入境/海關表格給乘客, 又或是乘客漏了填什麼資料, 海關會罰公司錢的, 嚴重的話, 甚至不會再讓我們公司的航機飛往那地...
我不明白, 填入境表格是乘客的責任, 為何乘客的錯是公司的錯?
我不明白, 為何一點英語都不懂, 都可以移民到去美國...
每次派入境表, 都會發生不少笑料....
記得之前我已經寫過一次, 今次再更新一下吧....
次次問他們有沒有帶食物入境時, 他們首先一定會說沒有, 之後就話:"我有d 蝦米, 瑤枉, 乾鮑...呀....帶唔帶得架? 小姐?"
"我唔知喎...."
"咁點算呀? 會唔會俾人收架?"
"我唔知喎, 我淨係知你一定要申報囉..."
又有一次, 婆婆走入galley 問同事她帶了兩隻手錶, 唔知一對定兩對金扼, 擔心極了...後來還打開讓我們"鑑賞"....
"嘩...婆婆...你袋好去先, 唔好唔見呀!!!!!"
臨降落前, 我再取著入境/海關表走多兩轉, 確保所有人都已經填好入境以及海關表格....
當中有不少人都要取表格, 因為十多小時後, 表格都不見了...
另外, 自己手上10 多支筆, 都已被乘客問到派光了....就快連自己最心愛的哈囉吉蒂筆都要出動....
還有, 乘客會填表填到上癮的....
話說同事已幫乘客填好了表格, 怎料乘客將其不斷抄在其他入境/海關表上....
另外, 我明明已經派了好幾次海關表給乘客, 亦見到他已填好了, 但到降落之際, 他還要多張海關表....
"先生, 你填左架啦喎..."
"係呀...我想填多次麻..."
"你填咁多次做咩呀?"
"哈哈哈...唔知呀..."
"...............................你填左唔洗再填架啦...."
我不是吝嗇, 而是中文釋本的表格已經派得七七八八, 我只是不想真的有需要填張新表人士沒有表格.....
不過發生得最多的是.....
不少乘客臨降落時將入境/海關表交給我!!!!
"唔係俾我架.."
"咁俾邊個架?"
"ERRRRR....(一時間不知道怎樣解釋, 因為我試過答"交俾入境/海關人員",他們都不知道我說什麼....), 唔....一陣你要拎本護照過關既? 將張表格一齊交俾佢地得架啦...."
唔....如果填一張表格可以收返少少手續費, 你話幾好呢?
No comments:
Post a Comment