我愛德國

第707 - 708 次飛行

好幸運係世界盃期間, 有機會去到德國, 可能你會話, 世界盃期間, 梗係去巴西啦...之但係, 我覺得如果你支持邊個國家而可以去到果個國家, 好似仲開心d 喎...起碼佢贏, 自己都安全d...哈...

呢d 年幾兩年先有既一班靚機, 好似好多同事講:" 幾辛苦都要做左去!"

就係咁, 我就黎左呢度.... =)

第一晚, 好多時都係例牌成班同事一齊出去食晚飯....我仲記得上兩次呢間餐廳既野食好難食, 我都唔知係唔係我地唔識叫, 定係大廚手勢差左, 定係心情唔好影響味覺...

所以今次我都冇抱好大希望..........

 

而結果係絕對有驚喜....



 

我係一位芝士怪, 所以我大愛呢碟前菜....

 

當然唔少得德國咸豬手...

 

第二日, 我係陽光底下享受完早餐之後, 就自己一個人周圍逛逛.....

 

 

我實在太鍾意自己一個人享受寧靜, 尤其是而家係香港一打開電視機, 唔係鬧人, 就係丟野, 講真, 睇得多, 自己都會好不自覺地脾氣暴燥........

 

期間, 見到有一對老夫婦手拖手恩愛地漫步萊茵河..........好...羨....慕..........

 



原本呢篇諗住係德國一贏左世界盃之後打既, 但近期實在太忙太忙....搞到而家篇文先出世....

下次再黎唔知又要等到幾時囉..........

p.s 不過最開心既就係, 係呢度, 唔洗俾錢都睇到世界盃囉! XD