限定 +人氣 = 誘惑?

第 724, 725 次飛行

 

唔知大家有冇同感, 每次去到日本都會俾"限定", "人氣" 呢D字眼害到你地大出血呢?明知次次去日本都會有新既限定同埋人氣既食物, 產品, 但就係會控制唔到自己要去試, 要去買...

 

最近一口氣做左兩班日本機, 兩班都係long stay 呀!!!! (一班係standby 阿公俾既, 一班自己換返黎...)

 

幾乎一整日都係日本, 真係大出血....

 

首先介紹就係呢個鳥籠套餐, 簡直係一次過滿足哂你n 個願望...又魚生飯, 又冷麵, 又炸蠔, 又豆腐, 又溫泉蛋, 又湯圓...幾乎我想係日本想試食既野一餐就試哂! 唔好睇每樣食物都細細份, 食落去其實都好飽...埋單只係1000 yen 左右, 係香港睇怕都好難搵到咁抵食既套餐...



 

 

 

然後要介紹既就係限定雪糕....我又中計啦.....

 

我本身唔係太鍾意食橘子既, 不過圖片上面既雪糕真係好吸引, 結果決定一試...

 

好味係必然既....不過最令我意外既係, 食到最底部既時候, 原來有一大舊橘子果肉係度!!!!

 

最貴係以下既豬扒套餐....不過好好食, 揀佢既原因係係餐單上講到呢個餐好特別, 好似好好食咁囉....

 

最後係我至愛之一既奄列飯...特登揀個人氣既黎試....

 

所以呢...次次去親日本, 我都會話日本係"魔鬼之國"...係一個唔洗錢對唔住自己既地方....