問題在...?

第 723 次飛行

最近隨時候命兩星期, 日日在家等電話, 另外在外國的好朋友回來了, 忽然變得"好忙", 今次朋友見到我, 會常問機上有沒有有趣的事發生, 可能飛多了, 很多外人覺得有趣的事, 我開始覺得習以為常....

有天, 當我部電話差不多沒電時, 我忽然想起了這件事....

這次, 空姐一個人帶住4 位囡囡, 係派餐亦都係空姐最忙最忙既時候...

太太: 美女, 我部電話充唔到電!

空姐: 等我睇睇...


空姐發覺部電話真係叉唔到電....仲睇到佢用緊果條USB 線唔係正貨黎...

太太: 充唔到電, 咁點算呀????咁點算呀???? (佢部電話得返8% 電)...

空姐: 太太, 你介唔介意俾你部電話同埋條USB線俾我試下係其他位叉唔叉到電? (雖然明知條USB 線係冒牌, 但都試下幫下佢啦)

太太: 好...

試過隔離位唔得, 試埋6 個用黎俾同事休息既座位都唔得, 忽然空姐見到有客都係叉緊部電話而又叉到喎, 於是叫客人俾佢試下叉唔叉到太太部電話, 都唔得...

由以上既情況推斷, 有問題既唔係座位既PC power, 亦唔係佢部電話, 而係條USB 線....

空姐: 係你條USB線出左問題呀....

太太: 點解呀點解呀???

空姐: 因為你用緊個條USB線唔係正貨囉...(冒牌呀....)

 (真係...有時唔想講個句都要我講埋...)