好彩

2009.09.16 to 18

第 433, 434 次飛行

首先做了班半夜峇里turnaround....我partner 是standby call 的....與很多同事一樣, 起初望望roster, 還以為這是一班峇里overnight...就連crew control call 我partner 返工時也講錯了, 說: "今日你做班峇里overnight...(停左一陣)...呀...唔係...係turnaround..."

很多人係swap 唔走既情況下返工....自己都係其中一位....不過之前check 過loading, 都尚算唔錯...而今次係商務客艙工作...去程只有7 位客, 回程只得1 位...... 結果來回兩程大部分時間我都飄到經濟客艙工作去.....每次由商務客艙再往經濟客艙幫下手是十分輕鬆.....可能冇乜壓力的關係吧....

亦因為商務客艙比較"吉" 既關係, 有點休息時間.....雖然時間不多, 但起碼可以抖抖.....

這裡要多謝那班機既機長....係5 點半前到達香港機場既閘口......令我地一班 cabin crew 可以拖住極之眼訓既身驅坐有得claim 返錢既的士回家........

就這樣過了兩天...

第三天, 換了班台北即日來回賣 bar 黎做.....很多人問我是不是swap in....又好奇問我點解會swap in....原因好簡單....又飛多d, 但由於這個月roster 太密, 又唔想飛long turn, 所以揀了這班機換黎做...順便嫌d 外快....

又好好彩地.....這次既sales 比我想像中好.....可能今次我記得帶多d 散紙同埋美金找俾d 客既關係......

唔知道係唔係因為天氣太熱既關係....有一部分既乘客脾氣都變得暴躁起黎.....其中有個台灣男人臨降落時, 寧願雙手拎起報紙睇, 都唔肯自己收檯......如果我幫到佢收檯我都會幫, 但因為坐走廊位既乘客遮住左, 我幫到唔到那台灣人收檯.....咁我只好再三叫佢自己收檯, 點知佢發脾氣, 收完檯後, 不斷大力拍打前面座位既椅背....... 事後我才知佢係隔離個位鑽石會員既朋友仔....真係.... 同事知道後都說台灣人一發脾氣既時候就好恐怖....同埋好蠻....諗下佢地開緊會議都可以打起架上黎......真係好鬼死失禮.....

放工後, 又係時候利用兩天時間去休息.....

唔知點解....覺得這個9 月過得很慢.........