第 435 次飛行
很多同事都好唔鍾意khi,cmb,bom,del 機....每個月大家都抱怨點解又係 khi, cmb, bom, del.....我自己都係抱怨過既其中一分子....不過同以前比, 我既抱怨少左, 一黎抱怨完都係無補於事....二黎自己睇開左....(雖然每到16 號, 都會抱怨一兩句發洩一下....
)每次遇到一班自己唔想做既機時...我唔會選擇port sick....我會嘗試找出原因去喜歡這班機....
不得不承認, khi,cmb,bom, del 機既乘客特別麻煩, 好多要求....但諗深一層, 其實佢地大部分都係去中東打工, 回到中東探親....又或者好似以下既情況....
由斯里蘭卡回程既機上, 我既 zone 有一位剛剛喪失了女兒既婆婆....(我不知道地勤是怎樣知道婆婆女兒過了身....)這位婆婆需要輪椅代步上機, 再扶著某同事既手慢慢走到機艙內既最後一行... 她走得很慢, 一般人用 1 分鐘就到達自己既位置, 她卻要至少5 分鐘...將婆婆交俾我既同事向我說婆婆既背景後, 叫我盡量對佢好一點...
飛行期間, 婆婆照常用餐....但每次問佢需唔需要多d 飲料時, 佢都好怕羞咁話唔洗...幸好佢隔離既位冇人坐, 所以餐後佢可以攤係兩個座位上訓下....
3 個幾鐘頭後, 航機漸漸到達曼谷...我開始做pre-landing check....我拍醒婆婆....叫佢坐返直....可惜婆婆完全唔識自己起身....我叫佢捉住我隻左手借力起身, 但都係唔成功....最後我將自己既右手放係婆婆既背上, 慢慢推佢起身....期間, 佢有問, 我地而家去到邊, 我解釋我地會係曼谷停一停, 再前往香港....
到了曼谷, 由於要轉換機員既關係, 加上前往香港既乘客必須要留係機上, 所以我地要係機上等下一班機組人員黎到先可以走....我發覺婆婆幾個鐘都冇去過洗手間, 於是我就問佢需唔需要去一去...佢話唔洗....然後佢就問再幾耐先去到香港, 再要幾耐先到墨爾本(婆婆既目的地), 係唔係坐同一班機直接去墨爾本....我就說去香港要兩個幾鐘, 由香港去墨爾本要成 9 個鐘, 同埋佢到左香港要轉另一架機繼續前往墨爾本...我講完, 婆婆對我說佢好擔心唔識轉機...之後再同我講左好耐野...(不過有d我聽唔明...) 講講下, 佢眼濕濕....我就話....到左香港, 會有專人順利帶到佢去另一班機上...雖然我會係曼谷落機, 但將會有另一位同事照顧佢, 叫佢唔洗擔心....一段對話完後, 婆婆 捉住我的手多謝了很久都唔捨得放手....
當然我並不希望乘客係因為呢個原因而上飛機....只不過想帶出每一個乘客背後都可能有d 辛酸事而我地唔知道....我地成日覺得做呢類型既機好辛苦....有些乘客(例如去第二個國家打工)米仲辛苦過我地....我地唯一做到既, 就係為這班乘客至少帶黎一次愉快既機程.....
(不過呢...有人以為自己好有錢就得寸進尺既印度客, 尤其是del 機上既客人, 就真係要嚴懲....
) 上篇blog 既事件發生後, 發覺有些平時自己記得或者應該做既野, 係俾人嚇窒左之後而忘記了....這點我真係要好好改善一下.....如果改善到, 第日飛乜野機都唔洗再怕啦.....(雖然我知道距離呢個日子仲有一段非常長既時間...但我會加油....)
No comments:
Post a Comment