錯在...

2009.09.21 to 24

第 435 次飛行

繼個半月前班 bkk - cmb 後.....今次又再roster 俾我.... 同上次既 pattern 一樣, 第一天要兜一兜去新加坡, 再上返 曼谷....

第一程香港去新加坡, 雖然係full, 但一切都相安無事....

到第二程....新加坡去曼谷....我負責的是 door 4 - door 5 既cabin, 係登機既時候, 第一批上黎既乘客係一班中國同胞....大約廿幾人既旅行團.....佢地係佔左第 58 - 62 行既座位, 但有兩家人 (分別一家三口) 既座位都係拆到散哂, 其中一家人既座位分別係 60h, 60 k 同埋 60 c....

(點解會有呢個情況發生呢? 因為通常 group check in, 地勤係永遠唔會知道誰與誰是家人, 誰與誰是朋友.....只會一次過劃左幾行座位(例如第58 - 62 行既座位) 俾領隊......再等領隊派返登機證俾每一位乘客....如果大家有參加過香港既旅行團, 領隊從地勤手上取了全團人既登機證後, 都會用原子筆重新劃位, 確保團員可以同佢地既至親, 至愛一齊坐....如果冇領隊重新劃位, 團員就要上到機自行調位啦....)

其實呢d 情況我成日都會遇到, 我都非常明白佢地要調位既急切心情.....但問題係佢地企左係條走廊上, 不斷商量點樣調位, 而忘記左後面仲有其他乘客正在登機.....我亦嘗試幫佢地調位, 但佢地完全沒有理會我, 眼見中國同胞全部都塞住左係第60 行既走廊上, 而後面等緊埋位既一班中東人士已經排隊排到第50 行.....咁我一而再, 再而三向中國同胞說: "麻煩你地行入座位少少, 讓後面既乘客過一過先...", 我亦有說過:"不如你地坐返原本既位置先, 又或者係第58 - 62行揀個位坐左先, 一陣再調位也可以...我亦可以幫你地調位..." 呢個情況持續左有成 10 分鐘.....如果後面冇客上機既話, 佢地塞住條走廊完全係冇問題的....我咁樣做都只係為中國同胞好, 亦係為後面等緊埋位既中東人士好....

忽然, 企係60 h 既男人一邊手拿幾張登機證, 一邊大聲喝我, 大約既意思係話: " 這不是我們既問題, 這是你們公司既問題, 為什麼我地係一家人, 地勤竟然將我地放係 60 h, 60 k 同 60 c??? blahblahblah....你不能怪我們!!!!" 忽然俾佢咁鬧, 我首先係覺得好驚訝, 之後就覺得點解你要鬧我.....我做錯左d乜野? 我只回應了一句:" 我從來沒有怪你們..." 基於我既國語不好....就算我知道這是佢地領隊既責任, 加上俾人鬧完既心情, 我已經唔想同佢地解釋咁多.....我嘗試問佢地既領隊係邊個, 但佢地完全唔知道.....就係呢個時候, 阿哥係galley 走出黎, 話聽到有人好大聲講野, 係唔係鬧我....我話係....我再講返個情況俾佢知....阿哥就走去60 h 既男人睇下乜野事....事後阿哥說佢地成團係印尼華僑....又話個男人而家冇野啦....不過阿哥就問我需唔需要同其他同事轉position, 我話唔洗啦....我又沒有做錯, 點解要避開個男人?! 阿哥與同事都問我有冇事, 我話冇事就假既....o岩o岩俾人鬧完點都會有少少唔開心....而我既樣都瞞唔過同事....有同事更安慰我說: "你脾氣太好, 你應該鬧返佢麻....俾我一定鬧!!!" , 阿哥亦說: "千祈唔好俾呢d 事影響自己既心情同埋工作能力...." 謝謝你地既安慰....

做service 時, 60 h 既男人問我拎兒童餐....其實佢係冇幫佢既小朋友order 兒童餐的, 不過佢好彩, 呢程機有一個兒童餐多了出黎, 所以我俾左佢....後來我同阿哥講返我俾左個兒童餐俾 60 h, 阿哥就說: "你真係太好人...."
俾著以前既我, 遇到呢d 事, 我一定會唔開心好耐....但今次我都算 recover 得好快.....當上了一課吧....

雖然呢次做好人, 好心, 好脾氣, 客人唔會appreciate 我, 但起碼我對得住自己........