五餅二魚

第 539 次飛行

原本是兩班台北機, 趁未被公司block 了我的roster 前, 被我偷偷一換, 就可以飛到紐約去...呵呵呵....

不過這次我要做阿三, 大家唔需要知道什麼是阿三, 大家只需要知道阿三是整班機最辛苦的position 就可以了....

辛苦在哪裡...hm...如果full load, business class 有成57 位客人, 分開兩個zone 坐...又要顧前顧後, 又要準備毛巾, nuts, mugs, cheese board, tea/coffee, dessert, equipment... check meal 要check 兩餐, 還有幾款snacks 要check...唔好彩會有特別餐...要報數俾紫姐與老總, 餐少左要追餐...數不可以計錯....(幸好我的纙輯以及數學一向都不錯....)

在香港出發時, 我好好彩, 只得23 位乘客, 自問有信心做得好....一來自己成日做長途機, 所以其實幾時要做些什麼, 都大慨清楚...二來這麼light loading, 那麼長的飛行時間, 又好難會做得不好...

不過我遇到三個難題...首先, 我已經一早同caterer 哥哥講我還好新, 叫他慢慢講, 我知他很有經驗, 但請體諒一下我, 講慢少少好嗎? 他一輪咀講完, 我在他面前再check 多次, 他的態度不是太好...第二, caterer 哥哥一早就話他知道我沒有hot cup(hot cup 是inflight 的no go item), 叫我不用催, 他一會兒會給我...但直到door 2 關了, hot cup 仍未到手...心知不妙, 飛奔到door 1找老總....老總再幫我催....多謝哂... 第三, 在香港出發的ground prepartion 時間永遠都好短...要準備整個service 根本沒有可能....只好先準備一些一開餐就要用的東西....再見步行步....

去程沒有大問題, 一切都好順利, 只是我時時都忘記麵飽要出先, 之後先至到main course, 搞到我仲特登調教到麵包與main course 同時間叮完....哈哈哈哈....

回程出了點小意外...loading 比在香港出發時多成倍乘客.....

caterer 小姐很好, 一早寫低了所有main course, tray, special meal, snacks 的數目交給我, 叫我慢慢check, 待她check 完economy class 的餐再回來...什麼都核對好了, 唯獨是snacks 要用的生麵我沒有去check....她說那些一包包的生麵在某某compartment 內, 而由於之前我check 所有東西都齊全, 所以生麵這東西我完全相信了她, 沒有去check....之後起飛....

第一餐是brunch, 本來以為好易做, 但special request 實在太多, 有人不吃前菜, 要立即吃cereal, 有人晨咁早要飲酒....又有人不吃正餐, 要吃小食牛肉麵! 由於回程上了full load 數目的餐, 所以我根本沒有位置去叮熱小食....雖然我還知道自己應該要做些什麼, 但一時間那麼多special request, 我手只有一對, 不知道應該做邊樣先好....其實個心好鬼死亂, 但冇人發覺...哈哈哈.....最後當oven 有位叮小食時, 我發覺已經不夠時間叮餐後毛巾....

就在我為乘客準備小食時, 我如常打開那個放有生麵的compartment, compartment 的label 上寫著noodles, 但入面是economy class 的茶/咖啡的disposable cup!!! 之後我將整個galley 反轉哂, 都找不到生麵....那刻真的爆粗, 但同時知道今次大鑊....經驗豐富的紫姐不理三七廿一走到頭等拎了包生麵應付左乘客先, 而我再繼續走篇整架航機找生麵.....

生麵呀生麵....你在哪裡???!!!
最後仍然找不到, 正式宣佈, business class 的生麵沒有被load 上機....
紫姐沒有怪我....她還說不是我的問題, 之後她提議去economy class 拎即食麵頂住先....而頭等阿姐十分之好人叫我不用擔心, 她樂意分些頭等生麵給我....而這事我亦有向老總報案, 老總竟然沒有怪我還說不是我的問題!!!! (孤菇那刻真的感動到好想流淚.....) 最後頭等阿姐給了我14 - 15 包生麵, 而老總知道紫姐打算用economy class 的即食麵去serve, 就說不好, 因為即食麵與生麵完全是兩種不同的東西, 而那天我有24 份牛肉, 但生麵只有14-15 包, 怎樣辦呢? 老總就教我採用五餅二魚方法...即係兩包麵弄三碗麵....最後成功解決問題.....不過我要寫返份report 返公司....

這件事教訓我....下次什麼都要check....

其後service 都很順利, 由於第二餐才是full service, 所以今次有很多時間去準備....於是第二餐十分順暢, 我還有時間出下cabin by hand 去下main course 以及collection......

這班機我的確學了不少東西....我不能說自己今次做得很好, 但我覺得已經比我想像中好, 起碼與我在同一galley 工作的所有同事都覺得我做得不錯....紫姐與兩位小同事還投訴我將麵包以及main course heat 得太好, 令她們吃完又吃, 增肥了不少....

不知是否工作得太落力....我除了crew rest 時差點訓過龍外, 還斷斷續續流了成個鐘頭鼻血直到landing....好樣衰....

老實講, 做完這班機, 我有很大的滿足感, 但不能驕傲, 可能今次我只係幸運, 我相信未來我還有很多東西要學習.....