I don't want to say goodbye....

第 770 次飛行

之前係自己既個人面書發佈過, 之後回響好大, 有不少朋友話睇完我所打既文字, 忍唔住喊左出黎, 所以我決定係呢度記低落黎...

我仲記得, 我打緊既時候, 都打到眼濕濕, 之後每次諗返起, 我又會眼濕濕, 呢排諗返起, 開始好少少...直到呢一刻, 我都唔知點解會流淚, 太感動定係太傷感? 我唔知...

從來都唔認為自己感性，但今日偏偏...


事源係飛行期間有位婆婆拎左個呼吸器出黎，囡囡話俾我知，囝囝去了解發生咩事，而我就去搵大家姐睇下乘客資料有冇婆婆用過呼吸器既記錄，係飛機上面, 係唔可以自行使用醫療器材, 有一部分既醫療器材, 係起行前必須要向航空公司申請, 另外亦需要符合民航機既規定先可以係機上使用, 經過一場了解過後，原來婆婆都有好多病痛，加上由澳洲去香港再轉機去日本舟車勞頓所以覺得有少少氣喘於是用左呼吸機，然後又知道婆婆既丈夫啱啱走左，而由於婆婆丈夫生前唔鍾意去旅行，所以佢走左之後婆婆決定向世界出發，婆婆雖然行動唔方便，但我好佩服佢仲肯坐住輪椅周圍去，由於婆婆有少少氣喘，所以打後既時間我地每15分鐘就留意婆婆既情況直到降落。

降落後，我送婆婆落機，佢就向我同囡囡講「我係米多謝左你地好多次？係米多謝得太多，但我依然仲想繼續講多謝」...

佢坐低左係輪椅上後，我地話see you , 婆婆眼泛眼光回應，「我都唔知仲有冇咁好彩見返你地」，我聽到d 眼淚幾乎山洪暴發 -______-

事後囡囡話唔怪得之我忽然轉身走左行返入機艙。

Because....

I don't want to say goodbye....

婆婆，祝你身體健康，同埋快d收拾心情，兼且有一個愉快開心既旅程。

不過淚始終要流。