芝加哥自駕遊

第 768, 769 次飛行

今次有幸遇到一位同事一去到芝加哥就租車, 打算自己自駕遊, 到左第三日, 同事話原本打算睇下有冇人有興趣去sightseeing, 但又怕一問就好多人話去(因為車只可載多4 人), 所以唔敢問, 係我再三慫恿之下(因為有d 地方要駕車先去到, 我好想去...哈哈), 佢終於鼓起勇氣問, 結果我地一行五人自駕去左芝加哥某幾個景點.... =)

首先第一個目的地就係United Centre 睇Michael Jordon 既人像....如果係佢既粉絲, 千祈唔好錯過!

 

然後我地就去左芝加哥downtown...

每次黎到, 都必到既Cloud Gate....係呢度, 同事講左件真人真事既笑話, 話說鍾意玩模仿既中國都整左個山寨版既"雲門"....想睇呢個山寨版, 可以click 以下呢個網址....

 

http://www.worldjournal.com/3380250/article-%e7%a5%9e%e4%bc%bc%e8%8a%9d%e5%9f%8e%e9%8b%bc%e8%b1%86-%e6%96%b0%e7%96%86%e6%b2%b9%e6%b3%a1%e9%99%b7%e6%8a%84%e8%a5%b2%e9%96%80/?ref=%E5%8D%B3%E6%99%82

 

 

 

 

 

睇完山寨版, 係米覺得中國好勁先? 有冇笑到傻左先? 

 

之後我地就一直行行行, 行左超過半個鐘, 終於黎到芝加哥既另一個地標 Navy Pier....

 

最後係差唔多返到酒店前, 我地去左酒店附近既一間大學, 漢堡大學...一睇見Hamburger, 係米立即諗起麥當勞先? 無錯, 呢間係麥當勞公司成立既大學....目的係希望員工可以係度學到管理學各方面既知識, 直到而家, 已經有成8 萬名學生係呢度畢業後從事快餐店既經理以及店長...(資料來自wiki)



 

雖然我係漢堡大學入面, 但就見唔到麥當勞餐廳, 亦見唔到麥當勞叔叔, 更加見唔到漢堡飽....不過入面就有一個角落講解麥當勞既歷史....亦見到第一間麥當勞既模型, 可惜既係, 我地去到個日係星期日, 所以冇機會入去睇下, 只可以係大學既校園內走走....當日係呢個校園裡面, 有對新人舉行緊婚禮....

雖然係一所外國大學, 但校園充滿中式日式既元素....

今次既旅程大滿足!