機上的金枝慾孽

2007.12.11 to 15

第 314 次飛行

這次LA 機, 來回乘客都十分好, 杯麵都唔係好多人食...真係難得一見, 反而同事們就比較特別....

首先就係老總...唔好睇佢好似冇乜野咁, 其實某d 方面佢好black and white 架, 就好似我與同事e 的handbag, 一去到LA, 就俾佢偷偷勒令我地要除左掛係出面的吊飾, 我與同事e 總係唔明白, 點解只係叫我地兩個除, 又唔叫其他同事除左去... 另外我地完左第一個service, 都會係左加兩邊set snack bar...我地平時做法就係每邊開半張table...但前個排, 公司話for safety reason, 要成張 table 開哂, 不過今次d 同事都只係每邊開半張table, 所以我都冇出聲, 點知老總黎睇的時候, 就向同事k 講要成張 table 開哂, 當佢向同事k 講緊的時候, 孤菇立即趁老總未黎話我之前, 去左另一邊收哂成張 table, 到老總黎睇我的時候, 我已經收哂d 野, 佢問點解我唔開 table, 我就解釋, 因為另一邊開哂table, 如果呢邊都係咁做, 一陣做杯麵的時候, 倒熱水會好危險....(呵呵)  之後老總勁搞笑, 返去前面拎左佢部 palm, click 番前個排notice 過要set full table 俾 同事k 睇....真係服左佢囉.... 除此之外, 老總都冇乜野架啦...成日就係自己個位開佢自己部laptop 唔知做乜野...真係勁!

至於成班機我比較怕就係來自korea 的阿姐...因為佢好少笑, 所以覺得佢幾惡, 相信成班機佢鍾意既人就係一位男同事, 因為佢係男性麻! 曾經有一次俾我聽到佢讚到個男仔天上有地下冇個隻...另外...rest period 的時候, 我地都好聽佢話 45 mins 去一次水, 但有幾次佢都好鬼早就做到上黎, 有一次, 佢好大力揭開curtain, 拋低一句 "finish", 同埋厲住我地的眼神就走左去...最後一次, 佢又係早左好多去水, 咁我就話:"so early", 點知佢話: " your watch is different.." 由於佢當時講呢句說話講得好細聲, 我聽唔到, 所以冇俾乜野反應佢...事後同事a 問我聽唔聽到佢講乜, 我先知佢講左句咁既野...

去個程, 我地galley fp 6, y3,4,5,6 都做得好開心架...但回程, 就出現問題...因為回程 aircraft 唔同左, 所以y6 去左business class 工作, y1,2, 就黎左我地galley, 即係我地galley 有fp6, y1,2,3,4,5, 而我就係y3...做完第一個service, fp6 冇啦啦問我覺得我的 partner y5 點, 我就覺得冇乜野, 咁y5 都幾senior, 自然知道自己應該做d乜野, 不過佢就似個d " 公司俾幾多錢, 佢就做幾多野的人", 當然我冇同阿姐咁講, 因為確實y5 又唔係懶的人, 到個時我先知fp6 唔鍾意 y5, 覺得成日叫佢做既野唔係第一時間做喎, 咁呢樣野我就真係唔知啦...所以我俾阿姐的答案係"冇答案"... 

做完第一個service, 第一group 就去左rest, 得番我, y2, 同埋係 upper deck 落黎幫手的j2...3 個人係galley 內, 由於我見其餘兩位一直都冇話幾時去水, 加上係3 個之中我比較senior, 所以我就set 好 45 mins 去一次水, 又有call light 的時候, j2 都會拎成盆水出去行一轉, 老實講, 我幾欣賞架!  除左去水, 我地仲要耐唔耐check 下washroom, 因為有d 用品冇哂, 我地要repenlish 番...同埋順便check 下d 客...我地今次rest period 有成5 個鐘, 我總共check 左3 次washroom, 每次check 哂6 個...j2 冇check 我冇乜所謂, 話哂佢都只係一個assist 黎, 但y2 係5 個鐘內, 只係掛住坐同傾, 一次想去check washroom 的意願都冇, 我心諗, 這也算了...加上佢本身只係做左半年, 也不要expect 得太多...點知, 有一次我check washroom, 我係出面等左一陣, 有人出黎, 而出黎的人就係y2, 當時我見到washroom 內的情況係: 冇哂 toilet rolls, 同埋地上有頗多的紙, 俾著佢係一位 cabin crew, 佢見到個washroom 咁既樣, 佢去完, 有良心既都會幫手repenlish一下d 用品, 同埋執左地上的紙...但佢完全冇做到, 仲同我講: " thank you" 就走左去...之後我自己入番那間washroom 執番好哂d 野...而個一刻, 我決定要report 俾fp6 知, 因為已經忍無可忍...到fp6 rest 完番黎, 我同佢講番成件事...我重申唔介意y 2 唔check washroom, 但佢自己有需要去 washroom, 同時又見到裡面有d 亂, 應該執下去...事後我都見到fp 6 單獨同y2 傾左一陣...其實我好驚, 因為做左咁耐, 我都未試過同阿姐投訴過....

由那刻開始, 我先唔多鍾意y2, 但我想不到連 y4 都唔鍾意佢, 話說第2 個service, fp 6 想moniter 我partner y5, 所以就將我派左同y4 做partner, 而前面的y1,2 做的行數係少d, 所以好快就做完, 但到我同y4 派哂餐, y2 仲未去tea/coffee, 同埋我地完全見唔到佢的蹤影... y4 好嬲 說: " 佢又去左邊???" 之後y4同我講點解唔鍾意佢...因為y2 有次唔知做左d乜, 就好 proud 咁同y4講: 我"幫" 你做哂xxx, 因而令y4 不滿...由於我見唔到y2, y4 就去coffee, 我就去tea, 因為冇乜人去tea 所以我做完自己 aisle 去埋隔離...再番galley, y4 以為我未做哂tea, 又出左去, 之後我追住 y4 同佢講我已經搞掂, 我就同y4 一齊入galley, 就係呢個時候, 先見y2 拎住個tea jug 準備去tea...y 4就大大聱話: 孤菇"幫" 你去哂啦...(好似報復咁), 那一刻我真係好鬼死想笑....呵呵!

後來我與本來y6, 回程去左business class 工作的同事e 一齊坐車番去, 講開y2, 同事 e 話y 2好自負...原來y2走去向同事e 講: "其實我同我d classmates 做service, 一直都唔覺得自己慢架! 係今次同你地呢d做左起碼3 年的 senior 飛, 先覺得自己慢..." 同事e 就串佢: "一人還有一山高者.." 之後y2 就淨係識講: "唉, 班機遲左到, 冇的士坐好灰呀...飛成15 個鐘, 好灰呀...."
唉...我地兩個心諗, 呢d 咁既同事, 遲早又要搵d 惡人黎治下佢...

雖然咁多事發生, 但我依然有個happy flight!