小強客機

2007.11.29 to 12.02

第 310 次飛行

上個月做過班曼谷巴基斯坦4 日, 雖然班機係辛苦, 又要捱夜, d 客又有點煩, 佢地總係三心兩意, 話要呢樣, 但諗諗下, 都係唔好, 想要第2樣...所以我永遠都唔會信佢地的第一句說話... 做meal service 時, 都同佢地講左 beef curry 好食過chicken rice, 又係死都唔信我, 等我過左幾行, 見到佢地揮手, 要我同佢地換番個beef curry, 俾我實俾...但當然會俾我教訓下佢地...所謂教訓, 唔係鬧佢地, 我會話: " you dont trust me..." 同佢地黎個small talk...佢地之後就會聽哂我話...呵呵!  相反對面aisle, 同事的慘況, 我慘不忍睹... 不過好彩全機的同事都好好, 連老總都係一位好好好人...成日帶左俾我地好多歡樂, 只要大家都positive, 班機d 客有幾煩, 都會好順利完成....

除左一班少少麻煩的客外, 小強一家亦係我地的座上客....當然我地唔洗serve 佢地, 佢地會自己覓食....

第一日: 香港去曼谷

做完service 不久, 忽然我驚見放tray 的compartment隔離有隻大小強...對於我黎講, 係好大隻...好似你係街見到個d, 不過佢就瘦長型....見到自己最怕的小強, 我一定係驚叫... 係galley一起工作的同事 R 同阿姐見到都嚇了一跳...但我地3 個冇人夠膽打死佢...只好睇住隻小強係放tray 的 compartment 附近走黎走去.. 那時我同自己講, 只係今日先同呢架機, 明天做suttle 應該唔會再用呢架機, 落左機, 我先鬆一口氣....
第二日 - 第三日: 曼谷去巴基斯坦, 巴基斯坦回曼谷的 shuttle

臨離開酒店前, 我check 下做 shuttle 係用邊隻registration 既機, 點知....又係用番同一架!!!!! 那一刻我真係有點想死的感覺! 結果還是死死氣氣咁上機...點知..一上機, 我又見到小強的踪影... 同我前一日見到那隻差唔多樣...但我地又可以做什麼? 只好死死氣氣繼續做我地的 service....直到差唔多到巴基斯坦時, 因為當地的衛生條例, 機艙要進行消毒程序....由兩位同事用幾支噴霧 spray 下個cabin, 兩位同事由前面spray 到後面孤菇所在的 galley, 同事問我galley 邊度最污漕, 我就指住放 tray 的 compartment 說: " 呢度成日有隻小強走黎走去" 同事說: " 真的?" 之後就狂噴那個位置...噴哂成支野後, 過了大約 10 分鐘....更恐怖的事就發生左...我驚見galley top 上, 有一隻隻垂死掙扎後哂肚的小小強, 牆上面有一大隻大小強, 放 tray 的 compartment 附近又有, 連 curtain 上都有小強! 我都唔想數究竟有幾多隻小強, 總之對於我黎講已經好多....起碼都有 10 隻....睇到我起哂雞皮....就係呢個時候, 我見到galley 上面有bb 食過的baby meal, 我打算丟左去, 點知我驚見plate 上都有一隻小強! 嚇到我死.... 嚇到我成隻plate 丟鬼左....

係巴基斯坦 transit 期間, 我同阿姐講, 不如同老總講聲啦, 咁落去真係唔掂...結果我受驚過度, 我transit 全程都去左前面galley 坐...到差唔多 boarding, 我先返去後面 galley...聽阿姐說, d cleaner 用完d 布抹完d 小強後, 竟然仲用番同一塊布抹galley 的其他地方! 好恐怖呀! 一d 衛生都冇.... 而最大隻小強係牆上, 冇人夠膽打死佢, 結果有位 senond office 落左黎打死佢, 而佢的屍骸就留左係牆上...

大家以為事件告一段落, 點知做serurity check 時, 同事 R 驚見連放 safety equipment baby flotation cot 的doghouse 內都有小強, 個度附近的地上都有小強....我真係就快暈低....
回程做service, 仲慘過黎個程, 可能spray 完後, 小強一家要走難...所以除左係 tray compartment 附近見到之外, 連 sink 附近都有, 大又有, 中又有, 小既都有...總之你每次一返入galley, 梗係會有一兩隻係你左右....捱左成10 個鐘, 我終於可以離開呢隻小強機...
臨走前, 我地同接住我地飛返香港的同事說小強事件....兩位女同事一聽完都嚇到花蓉失色 不過佢地有個阿哥係度, 應該冇事既...呵呵!
一返到酒店, 我立即check 第四日 曼谷回香港仲係唔係用那隻機, 好彩唔係, 係用一隻新機...對住個d 小強 3 日我已經受夠了! 同cleaner 講, 佢地只可以幫佢抹走死左的小強, 同 engineer 講都冇用, 因為佢地話只有等架機進行例行檢查時, 先有機會全機消毒...我決定要係mark 低呢隻機的 registration, 見到要port sick 先得...

大家睇完之後, 仲夠唔夠膽係機上面食野?