上了一課

2009.05.22 to 25

第 411 次飛行

大假前的最後一班機....我上了一課.....

HKG - ADL

第一餐完了後, 第一組同事去左休息....只剩下同事T 同我係galley 內當值....一切都很平靜.....
到第一組同事差不多回來時, 有位客人走左入黎, 佢show 左張澳洲入境要填的health declaration form 俾我睇....篤住"fever" 個一項話我知佢琴日黎到香港時有 fever, 去左睇機場醫生....佢而家已經退左燒, 而醫生俾佢的藥佢仲係手上, 而佢因為見到如果個一項病徵 tick 左 " yes " 要通知cabin crew, 於是佢就入左黎同我講....我知道後, 就問佢除左發燒, 仲有冇其他病徵, 佢話冇....之後我好婉轉問佢係由邊度黎香港transit, 再問佢最後目的地係邊.....等等的問題.....原來佢係由rome 黎.. 終站係adelaide....

問完後, 已經係時候換更, 阿姐都返左黎, 於是我就係臨訓前將我當值發生過的事逐一同佢講....首先我話30 g 客人的audio 有問題, 聽唔到音樂, 所以調左去31 g.....然後37d 的電視 switch off 唔到...所以我俾左眼罩俾個客....而最後就話佢知39 e 的客人說自己曾經發燒....包括頭先我問過哂等等的info.....當時我係將3 位客人的seat number 寫左係白紙上, 而因為30 g 同37 d 的問題係較早前發生, 所以我寫低左有乜野問題, 而39 e, 因為時間關係, 我只係寫左佢個seat number....我問的info 就只是同阿姐講左, 冇寫低....之後就去左訓....

當時rest period 過左一半, 我終於入到睡既時候....阿姐忽然拍我起身, 問我係唔係 31g 個客話佢發過燒....我話係 39e 啊! 那時我心諗: 我唔係已經係張紙上寫好左咩? 到我的rest period 完左, 我如常做2 nd service...做做下, 我partner 同我講我rest 的時候, 個客又發燒.....傾傾下, 我partner 話老總覺得我做得唔好, 我應該一早就同紫姐講.....(因為當時紫姐on duty 中...) 又話老總問阿姐info 時, 阿姐好多都唔清楚....所以話老總可能一陣會搵我"傾計".....這令我唔開心....因為我並唔係冇交代好....唉.....我partner 對我說其實係一場誤會....因為當時佢同另一位同事都睇到我同阿姐講得清清楚楚先走.....同埋當時件事發生係換更時間...所以我先同阿姐講左先......

anyway...最後老總都冇搵我 "傾計"....而我下次再遇到呢d 情況, 我知點做係最好, 避免再有所托非人的情況發生, 第日都係靠自己好.......

ADL - HKG

回程....難忘得很....

boarding 時, 帶位, 派headset 等等時, 都覺得這班機的客人俾我的感覺都算不錯......但睇黎我開心得太快...
到機門就快關上的時候, 上了30 k 這位客人...(後來我地發現30 k 並唔係佢原本的座位....) 佢一上了機, 機門就關了.........我上前補返個headset 俾佢.....點知佢問我拎 beer 飲....佢問我的時候, 我聞到佢好大陣酒味, 同埋塊面都幾紅....好明顯佢之前都飲左酒, 咁我好禮貌同佢講因為custom regulartions, 我地 on ground 唔開得d cart, 所以serve 唔到啤酒俾佢.....我地會係起飛後俾佢...之後佢就一輪咀同我講一d 我唔識聽的語言, 有時又講英文, 我聽到既係佢話"beer is good to my stomach...".....我partner 係 j class 幫完手落返黎economy class, 我就同佢講返個客的情況....原來我partner 都知佢有問題, 因為 pre take off check 時, 個客又同佢講要飲啤酒.....同埋我同我partner 都見到坐係個客隔離既香港後生女好驚.... (俾著我都驚啦....), 於是起飛後冇耐, 我partner 幫位後生女調左位.....
我地準備第一餐的時候, 個鬼佬入左黎galley 問點解個香港後生女唔見左, 我地冇人理佢.....其間, 老總有同我地解圍.....而個客有時又係講d 我地聽唔明的語言........雖然佢面紅, 有陣酒味....但佢又唔係神智不清, 經過老總同阿姐的准許, 係起飛到cocktail service, 再去第一餐meal service...佢大慨飲左4-5 杯酒精飲品....第一餐完左, 佢仲要飲bloody mary....同事就話一陣先俾佢....而同事諗住到指定一個時間先打算俾杯bloody mary 俾佢.....但當我地想俾佢時, 個客訓左....終於杯野放左係galley top....而第一組同事如常去休息.....
一慨個幾小時後, 同事t 通風報信同我講30 k 個客黎緊.......問我地拎bloody mary....我地話要serve on his seat, 但佢一手grab 左杯野黎飲....期間又講一d 我地唔識聽的語言, 一時又英文....點知佢飲完, 立即要第2 杯.....我地嘗試拖延時間, 扮忙......扮扮下, 我地真係忙起上黎.....起初佢對於我地忙完先俾野飲佢, 佢係ok 的, 但後來佢開始嫌等得耐, 加上又有幾個客入黎galley 話要酒精飲品....但總不能我地唔俾 30 k 飲酒精飲品, 一邊又走去整酒精飲品俾其他客人麻....所以真係委屈哂要飲酒精飲品的客人, 要佢地等好一陣子....大慨20 分鐘後....連埋 30 k 的客人...一次過整哂d drink....再次叫30 k個客返位坐.......點知佢又唔返....又同我講d 我聽唔明既野....我只係get 到佢仲想飲....我堅持佢一定要返位....佢同我講數....當時我見我大慨仲有30-40 分鐘就到我休息....又要設法拖延時間.....那一刻真係好希望第一組的同事快d 返.... 當時真係忙到死....又好多人要水....去水時....個客竟然搭住我膊頭行行行.......之後係galley 開始捉我手臂.......真係忍無可忍.....call light 唔應....客叫我, 我唔應...急步上去前面搵紫姐...........紫姐叫我地要警告個客, 同埋佢叫cockpit著 seat belt sign...再隔多陣, 第一組同事終於返....而我好平安地去rest....
醒左後, 聽同事說, 個客又要飲酒....阿姐唔俾, 最抵死係....個客拎錢同阿姐話買酒飲...當然, 我地絕對唔會鬧客...只係我地好firm 唔再俾酒佢飲....只係俾水佢飲....其實之後佢都有話要飲酒, 不過我地扮聽唔到........

到第2 餐, 我地要回galley換 cart 時....個客入黎galley望住我, 仲同我講粗口....仲要我落機要返 training school.....佢都痴線.....又成日係 galley 阻住同事的去路....很討厭.........

佢的情況一d 都冇好轉...仲繼續俾 hard time 我地.....第2 餐有 minced prok 同 beef lasagne....佢揀完beef, 又唔要, 要pork, 我partner 俾左個pork 佢時, 佢又質疑個d 係唔係 pork......我partner 答完佢, 冇耐, 佢又叮....叮叮叮.....我出去應call light....佢又問我個d 係乜野黎, 我話minced pork...我答完, 佢又再問...我答完, 佢又再問.......唔通你會覺得我答答下會話你知呢個其實唔係 minced pork 咩? 又或者唔通我答答下, 會話...."其實呢個係 beef lasagne黎架...."....真係癲癲地......

落機時, 大家終於都鬆一口氣.....不過我地同事都為下班機的同事擔心......因為他好像係去歐洲......祝下班crew good luck..............

這班機, 我真的上了好好的一課......

辛苦過後....係時候好好享受, 休息一下......