與菇爸遊巴黎

2010.01.08 to 10

今次去巴黎既目的, 就係要帶埋菇爸再次向世界出發.....

出發前大慨兩個星期, 見到paris 班機既 loading 都ok, 所以打算帶爸爸去巴黎一趟....

而因為到了巴黎, crew 行既通道與客行既通道係唔同, 所以我一早e-mail 問老總可否在到達的一天載埋我爸爸去酒店....

等了個幾星期, 老總終於覆了"可以"....

一天一天接近, 眼見個loading 越來越爆, 甚至overbooked, 開始有點擔心今次會否成行....

係出發前兩天, 就係擔心緊個loading既同時...與朋友傾計...

她說她那班機都有兩位同事帶了家人去巴黎, 但機長竟然唔俾家人join crew bus 去酒店.....

唔俾坐 crew bus 都算....但機長還俾左d "說話" 俾同事們聽....

我聽完後, 又有另一個擔心....萬一我班機既機長同我朋友那班機既機長一樣都唔俾我爸爸join crew bus, 咁點算? 要我爸爸自己一個搭車去酒店?

於是....係飛既前一晚, 我打完一封 e-mail 俾我班機既機長, 希望係我飛前得到佢既同意吧....

又好好彩, 係我臨走返公司前, 收到佢既回覆....^^

又好好彩, 班機既 loading 係飛個日drop 左好多, 爸爸唔洗等到last min 就有機位啦....

這次, 我同樣放了他係 business class....等佢試下d 本公司的new cabin product.......

12 個鐘頭後, 順利到了巴黎.... (雖然班機唔係太順利)

係 briefing 的時候, 我先知原來老總都有帶佢個女去巴黎....

而老總既緊張比我多n 倍....

待我爸爸上了機後, 老總立即叫我去同我爸爸打招呼....

後來我知道點解我要咁做, 因為老總想叫我爸爸好好照顧佢(老總) 個女...還說佢個女乜野都唔識....

到了巴黎...因為mode selector 的問題, 我地機組人員逗留左係機上一段時間....

老總很緊張問我爸爸有冇sms 我....

其實d 客未落哂機, 爸爸已經 sms 話佢已經係 exit 4 等緊我.....
可惜既係, 今次係巴黎, 我部手機既network 只係收到sms同聽到電話, 但send 唔到 sms 同打電話出去...(那一刻我好無奈).....
好彩後來爸爸識打電話俾我, 原來爸爸同老總個女係"邊個exit等" 既意見上有分歧.....所以再打黎同我確認....
最後順利接了爸爸同老總個女上車....
去到酒店, 梳洗完後, 就同爸爸出去sightseeing....
去左聖母院, 羅浮宮參觀, 再由羅浮宮行到去凱旋門.........
但真係好凍...好凍呀~~~~~~!!!!!
我一邊問他頂唔頂得順咁凍時, 自己其實有點暈.....

 回到酒店.....很早就去了睡, 自己計一計, 原來我已經成 42 個鐘冇訓過覺......
第二天, 巴黎落雪, 但爸爸一場黎到巴黎, 冇理由唔出街麻....
這天, 我地只去左鐵塔.....不過冇上到塔頂.....

 

然後到 opera 附近食個late lunch, 就返酒店.....

 

這晚....身體不斷發抖, 感冒了.......
爸爸係這兩天, 手都發熱, 相反, 我的手凍到沒有感覺.....
這晚, 要他反過來照顧返我.......
"老豆...我為左你而病...."
***
回程, 得到老總的幫助....順利check in...
本來business class 沒有位, 但最後有客no show, 所以老總個女同我爸爸可以係 business class 就座....
(不過當中俾我發現有些不公平既情況.....在這裡就不便多說...)
最緊要我爸爸上到機就可以了....
整個trip, 我一直都有個疑問......
而呢個疑問終於係回程與老總交談時解開.....
果然同我諗既一樣....
不過爸爸說: "好心有好報"....
***

繼法蘭克福同埋巴黎後....

下次去個近少少既地方吧.........