調位事件

2010.01.16 to 20

第 450 次飛行

本人一向都 service straight from the heart.....不過有時inflight 每做一樣野之前, 真係要諗諗個後果先去做, 或者唔做...

話說回程個班 ultra long long flight....只得1/2 loading....機程要 16 個鐘, 我絕對希望我既乘客可以坐得舒服d....

如果我見到3 位乘客迫埋係係一行內, 我會好友善咁同佢地講後面有好多吉位, 佢地可以隨時調去後面既吉位坐....而如果佢地想知d 吉位係邊, 我會好樂意話俾佢地知, 之後佢地去唔去個d吉位坐, 完全係佢地既選擇....

但我既阿姐忽然走黎叫我將d客逐個調去後面既吉位度....仲要最好一人有一行.....yes...係逐個.....

其實根本冇咁多行分到俾d 客, 但我廢事駁咀, 調得一個得一個....

首先, 我梗係調走左座位有問題既乘客去d 吉位先啦....

冇耐, 老總做左廣播話機上有很多空位, 各位乘客可以自由調位....

咁之後梗係好多客走去霸左成一行俾自己一陣訓覺啦....

好快我就見到每一行都已經有至少一位乘客係度...

問題就黎啦....

阿姐係未搵到成行吉位既情況下, 就已經答應左一對couple 搵一行吉位俾佢地....(當時一行3 個位分別坐左這對couple, 同埋一位需要輪椅既婆婆)

點知佢行左成個cabin 都搵唔到一行吉位....

咁點算呢?

個波就俾左我囉....

我明知cabin 已經冇一行吉位, 但做個樣都要扮係cabin catwalk 一次, 扮搵位.......祈望有奇蹟的出現....

可惜奇蹟冇出現到...

咁阿姐唯有同對couple 話搵唔到位...而對couple 完全唔介意....後期俾我發覺其實對couple 根本都唔想調位....唉...

阿姐咁好心, 我提議過不如調走位婆婆....因為婆婆得自己一個人, 要我安排婆婆調去一行只得一位乘客就座應該唔係難事....同埋婆婆又不是行動不方便, 只係行得慢少少.....而這是沒辦法中既辦法....

即係調成咁:
     H       J       K
       COUPLE
      D               E           G
其他乘客        吉位         婆婆
同埋通常其他乘客見到婆婆調埋去佢個行, 都唔會太介意....
但阿姐又支支悟悟....問佢好唔好, 又唔答.....
之後差唔多起飛, 心諗一陣再算....
起飛後, 婆婆叮我....
同我講佢想要 fresh air...
我心諗 "good!"
咁我就安排左個D 位俾佢坐....
點知婆婆忽然又猶豫, 又話唔調啦....=.=
我心諗: 我一定要解決左呢件事, 唔係睇黎黎緊既 16 個鐘會有點麻煩....
於是我就好真心咁說服婆婆, 如果你而家唔調既話, 一陣大部分乘客攤哂係座位訓, 到時你先想調既話, 會比較難....所以我建議你而家調左位比較好....
就係咁, 我好成功同婆婆調左位....
然後第一件事要做既, 就梗係要稟報阿姐啦.....
今次好彩, 阿姐答應左個對couple 但又調唔到, 人地冇upset....如果遇正d 好蠻不講理既乘客, 又投訴一番就麻煩......
所以有時 light loading 都唔係好事, 總有些人喜歡自製麻煩 (雖然我好明白佢地既出於好心).....

anyway, 整班機我覺得以近期黎講算係非常好架啦....這裡要多謝很好人既老總.....雖然飛行時間成16 個鐘咁多, 但乘客既食量比起其他美加route既乘客少好多....派餐又發生左少少笑話.....

最開心就係有5 個鐘既 rest period.....真係好好訓.....(經過成4 晚失眠既後遺症...)

而我既飛行蜜月期就隨著呢班機既完結而劃上句號....

然後就要開始迎接"隨時侯命"....good luck....