近幾個月, 不斷做三藩市機...
三藩市最出名就係特別餐多...閒閒地都過百個...
而我一直都好怕做那個要處理特別餐的position...
前幾個月, 我好幸運, 大部分時間都在商務客艙工作, 但我想話, 上一次我在商務客艙工作, 45 位乘客, 有11 位都是訂有特別餐, 未計某些話自己訂左其實又冇訂的客...
今次...終於燒到埋黎啦....
終於到我處理過百個特別餐了!
飛前問了幾位師姐的意見, 自己有了個慨念....
其實自己根本知道怎樣做先好, 但問題是, 你想是一回事, 但實際做的時候, 周邊會有好多東西影響你的工作表現...
例如時間有幾多呢? 過程又順不順利呢? 乘客又會不會要求多多呢? 你的囡囡又生唔生醒呢?
上機了....
果然有過百個特別餐...
加油...
首先我與caterer 對餐的時候特別小心, 一邊對, 一邊貼label...
收到特別餐的list, 通常最多的都是印度素食...首先我圈出special of special 的特別餐, (special of special 即是印度素食外的特別餐)
其實很多阿姐都說那麼多special, 只會對special of special...不過我的目標是對哂過百個餐...
最後...在起飛前, 我只成功對了2/3 的餐,
不過已經對到不想再對, 因為問題太多了...有些訂了素食的話想食正常餐....訂了兒童餐的, 話自己訂了兒童素食餐, 但其實我手頭上一個也沒有....幸好之前自己做過一次印度機, 又加上上幾個月不斷都有做三藩市機, 就算我上次在商務客艙做, 都遇到這個問題... (真係黑仔), 所以都慣了怎樣對答及處理,
時間無多, 我開始要寫label...然後貼在特別餐上, 等同事照號碼及姓名派,
寫呀寫, 感覺好似罰抄....
雖然有阿姐對我說有那麼多特別餐就不會寫名, 只寫號碼, 不過我想試下寫埋名, 始終穩陣點.....加上我有少少想挑戰一下自己的能力....
不過我在罰抄期間, 發生了一些小插曲...有乘客因為電視問題不高興要處理, 前面阿姐走入galley 問我一些非緊急事宜...另外我的囡囡正在做cocktail service, 我要repenlish, 還有要同大客打招呼, 又要派children game...又要準備待會兒一杯杯水派特別餐時用.....
現在自己回想起, 我都不知道自己怎樣可以處理哂上面所有事宜, 但又同時抄得哂所有特別餐的label....還竟然可以將特別餐分成兩架food cart, 一左一右, 待同事不會在派特別餐的時候在我的galley 內穿梭影響進度....
不過人永遠都不是完美, 也有錯的時候....
因為當中太多事令我分心, 我寫錯了兩位乘客的座位號碼....幸好幸好, 他們沒有怪我....
另外, 我的label 已經寫得好清楚號碼以及名字, 但來回兩程都有同事派錯給其他乘客....
雖然有錯, 但最後總算順利完成, 我們竟然只用了15 分鐘派完過百個特別餐....連老總都感到好意外.....
由此可見, organization 以及briefing 是很重要, 組織得好, 就會省去不必要的工作及步伐, 而briefing 做得好, 向囡囡清楚說明自己想怎樣做一個service 是很重要, 當然唔少得我的囡囡們都好乖, 個個都帶耳仔返工....^^
相比起去程, 回程只得70 幾個特別餐, 感到輕鬆多了....這次成功與客人確認哂所有特別餐....
而最後在一個愉快的氣氛下結束這班機....
囡囡做完班機後, 說我勁, 聰明, 其實我什麼都不是....
只是囡囡們沒有太多讓我掛心的地方, 我才可以爭取時間去處理自己的工作.........
不過我始終都要講一聲, 呢班機都是少做為妙, 做得多, 人都殘........
p.s 經過這一役後, 特別餐, 你放馬過黎啦!!!!
No comments:
Post a Comment