小孤菇長空中往返: 在墨爾本打敗仗

2008.12.14 to 17

第 379 次飛行

這次墨爾本之旅, 真係非非非常難忘!!!

本來想說說機上那些同胞麻麻煩煩的事....但那時點都冇諗過落左機仲有件更加嚴重既事發生....
個日差唔多到墨爾本的時候, 因為澳洲 quarantine 都幾嚴, 所以我冇帶野食入境, 而我又怕自己一陣返到酒店房會餓, 所以落機前與同事一齊食entree....係食左自己一向都好鍾意既雞肉陳村粉.....我地幾個仲一人食左兩個.....

返到房.....沖完涼, 覆下d sms, 點知發覺部手機hang 左, 睇唔到d msg, 後來仲連開機都開唔到....最後係研究到張 sd card 應該壞左......唔知係唔係個人緊張同急得濟, 個胃又開始痛起黎, 咁因為我好多時都係咁, 我不以為以....但再隔一陣....覺得個胃越來越辛苦....仲開始痾同想嘔.......

於是我攤左係床上抖下, 希望隔一陣會好d.....中間係有段時間好了點, 但好快又辛苦過....

由早上捱到差唔多6 點鐘, 約左同事dinner, 起初係諗過不如唔去, 但我又冇野落肚, 又係辛苦...所以最後都係同兩位同事出左去dinner....咁諗住唔舒服, 去食越南粉啦.....但見到碗河粉黎到, 上面好多油.....我食左少少就冇胃口再食......之後埋單走人....然後去幫我classmate kk 買幾罐鮑魚果仁, 你咁鍾意食....後年你結婚我買黎俾你做人情.... 再去 supermarket 食少少野食就打算回酒店......

去到supermarket, 我開始又覺得自己唔妥.....於是我問同事佢地會行幾耐, 佢地話好快, 但通常crew 行得快極都有個限度, 所以最後我話我自己買完自己返酒店....就同佢地分手.....那時我只係想快d 買少少生果, 就飛返去酒店.....點知....我都未行到去cashier....已經支持唔住, 嘔到supermarket 一地都係.....
個刻真係好狼狽.....又勁唔好意思......因為我真係好唔掂, 加上整污漕左自己d 衫同頭髮, 我只有棄籃潛逃.......

去左supermarket 樓上既洗手間整理一下, 再急速回酒店.......成個人又慌又呆, 連平時識行既路忽然變左唔識行.....最後我只好1. 係座 building 兜下兜下搵番條大街.....2. 望住個太陽認方向.........最後我行番出大街.....行左15 分鐘就返到酒店......人一病, 明明好短既距離都覺得好漫長........

同埋返到酒店, 仲要去reception 叫人地issue 多條key 俾我.....因為頭先太匆忙唔記得拎.......reception 仲問我有冇拎 id card, 仲叫我下次記得拎番.....唉, 仲同我講咁多做乜? 我只係想快d 返房......

回到房, 我洗衫, 沖涼.......搞左一段時間, 我決定食帶黎既胃仙u.....但我發覺食完都係冇好轉....依然都係痾同想嘔................但我都係堅持唔睇醫生.......
捱到半夜.....我又嘔多3 次.....最後都係call 左 global lifeline 求助......再由lowbay 教我應該點做.....話哂都係第一次咁搞法...............而因為我係半夜打去, 佢地要到第2 朝8點幾9 點先arrange到醫生黎睇我，所以我要捱多幾個鐘.............
早上, 好多電話打俾我, 都係關於: we called the doctor already... the doctor is coming now....the doctor arrived already......幸好我唔洗自己行去睇醫生, 個醫生上到黎....按下我個胃同肚個位, 就話我有virus, 幫我打左支針止嘔.......再話我今晚唔operate 得返香港....要stay 一晚......之後佢話會開藥俾我, 轉頭會叫concierge 去pharmacy買藥 + 一支類似葡萄適既飲品拎上黎俾我.............佢走左後, 我又唔知點做, 只好打俾lowbay 問, 最後打番香港 crew control, airport manager 同老總.....但最麻煩就係打俾crew control, 我打第一次, 佢地問我醫生話我幾時返得香港, 但確實醫生又冇講到我幾時返得香港.....我又冇醫生個電話, 都唔知點算好.....於是那位同事說我一知道隨時打返黎, 咁佢地會再安排我幾時坐機回港......後來好彩位醫生真係有打上黎, 佢話我聽朝要覆診再肯定我返唔返到香港, 咁即係我今晚返唔到香港啦..........於是我再打番去香港既 crew control, 但點知打左成幾次都冇人聽.....唉, 我用緊既係IDD 黎架.....打左成4 次, 先打到...最後個次我係用番自己手機打, 點知傾傾下cut 左線?! 唉.....搞到我始終都係要捱貴用酒店既電話打番香港......
最後 confirm 左我坐第二日下午班機回港, 另外我再打俾老總俾返條inflight sales bar key 俾佢, 再打俾阿哥俾返原本回程買煙既錢俾佢.........好唔容易搞掂哂d 野, 我真係可以好好抖下.....但依然好唔舒服..........同埋好唔好意思.....因為以我所知, 我咁port 左, 最後我原本operate 個班機應該係full load 兼少左個crew.....
後來好像好了點, 同埋想去買少少食野....因為已經成日冇食野, 雖然唔餓, 但總要有d 野落肚........因為唔想行咁遠, 加上樓下foodcourt 4 點就closed!!!! 唉, 只好去麥記買個grilled chix....順便拎d extra allowance........拎allowance 時, reception 竟然問我有冇好返少少......估唔到連佢都知.....
不過佢咁問, 令我覺得好溫暖.......

再到第2 朝早上, 有電話打黎問我自己行唔行到落去睇醫生, 我死都話行到落去啦....因為我真係想快d回港......係度真係無啖好食...... 原來間clinic 就係酒店lobby 附近....由另一位醫生幫我檢查.....佢話我fit to fly, 但not fit to operate.....最後簽紙俾我走..............太好了!!!

然後去左reception 埋左單昂貴既電話單......成 300 aud.!!!!

同埋唔知點解連d 藥單都入埋我個account 度...唉..........好彩有得返公司claim.....不過又要分開claim, 都係麻煩呢..........

回到房, 想訓又訓唔著, 最後落左foodcourt 買左少少野食, 再回房執行李......準備走.........
夠鐘, check out....公司安排左架靚靚既私家車車我去機場......那位人兄的服務好到爆, 抵我俾咁多tips 佢....然後我再搵check in counter, 點知個board show 出黎既 check in counter 一個人都冇? 始終我要打電話問airport manager, 原來佢地轉左地方.....
去到check in counter, 佢地原來已經預留左個位俾我, 那位 ground 既ism 仲問我有冇好返d....連佢都知.....勁.....

然後我慢慢行到boarding gate, 再上機...........

上到機....我總算鬆一口氣..........

機上既同事都紛紛問我做乜事.....

而回程既9 個鐘.....我大部分既時間都係訓訓訓.......
連第一餐都冇食....因為聞到都想嘔......

但到左第2 餐, 紫姐係咁話我唔食野唔得架喎, 最後佢係都要整個齋麵我食, 仲搞到隔離個客笑我地兩個握黎推去.......
終於回到香港, 第2 天醒後去左睇醫生....睇怕都有排搞...........唉..............因為咁, 睇怕今年x'mas 個buffet 計劃都可能要取消............
今次好多謝lowbay 教我點做, 好多謝lowbay, 企鵝, 兩位親愛既classmates, 車車同kk, 仲有細妹同埋您既問候, 更要多謝車車幫我打去team office 問claim 錢既事宜...亦多謝pde 快速既回覆.....多謝concierge 買藥同野飲俾我, 仲叫我有乜需要隨時打俾佢地.....多謝reception 同事問候....令我覺得好warm....多謝airport manager 既所有安排.....搵車送我去機場啦....係full load兼overbook 既情況下都留左個business class 既位給我...真係好感激........亦多謝機上同事既service.....多謝家人既河粉....最後送俾大家幾張我係melbourne 臨走前影既幾張窗外照......