我不是接線生

2008.12.08

話說我仲有好幾個鐘就要係紐約起程回香港....而通常我地呢d 飛人都會係report duty 前訓返幾個鐘充下電咁...而孤菇都唔例外....

點知係我最熟睡時....電話響起......"o都o都.....o都o都..."

我係半醒的狀態拎起個電話聽.....

對方(男人)說:"喂喂.....(下刪幾十個字...)" (因為孤菇已經唔記得對方講乜野....)

我說: "o下????!!乜野呀....????"

對方說: "你做乜咁早訓覺既???" (當時大慨半夜11 點幾12 點....)

我個刻仲未醒得哂...因為太突然醒, 搞到我個頭好鬼痛...而對方係男人黎, 但聽聲, 我又諗唔到點解會有個男人打俾我, 仲要講一d 我唔係太明既說話, 於是我說: "你究竟係邊個呀???"

之後對方說:"o下??? 乜你唔係 xxxxx xxxx 咩???" (佢連名同埋人地個姓都講埋...)

我聽完後, 我估應該係酒店個staff 搞錯左, 雖然我同對方想搵既人既姓係一樣, 但我唔係佢要搵既人...

之後我說:" 我唔係 xxxxx..."

點知對方說: "哦....係呀....咁我係唔係應該收左線再打過黎呀???? "

我聽完佢咁講, 我真係笑唔出....反而有d 想鬧佢.....咁你打錯電話...梗係收左線再打過電話黎啦....唔通我識駁條線去你想搵既人既房間咩????
而對方終於收左線, 我又再訓番...但已經唔再訓得好啦.....
後來我醒左, 諗返起頭先呢單野, 覺得那位同事有位咁八痴既朋友, 真係有點兒.....
同埋點解呢d 咁奇怪既事總係發生係我身上既?