Incredible Indian 完 - 後悔

2009.11.09 to 11

第 442 次飛行

Delhi (德里)機相信係本公司內所有 cabin crew 都最唔鍾意做既航班.....因為比起其他印度機更難做....

係臨飛既前一天, 我已經唔太舒服, 以為訓了一覺會好點, 但到左出發去 delhi 那天, 我既病情依然沒有好轉, 不過最終因為不想last min port sick, 同埋當時以為自己應該會應付得黎, 所以決定去返工....

不過入到briefing 那刻, 我開始後悔.....
孤菇早前check 完自己乜野 position....幸好, 今次係商務客艙工作.....那時心想, 我應該仲應付得黎既.....但不久...坐係我隔離既同事D對我說:"我standby call 的, 而我第一次係商務客艙工作....", 那刻我打左個突....
不過我叫佢唔洗擔心.....因為那時, 我比較擔心自己多d.......我怕如果同事D 又唔知自己應該做d乜, 我自己唔舒服又可能都唔知自己做緊d乜, 咁就死囉......

第一程由香港去曼谷, 基本上問題不大...

可惜去到曼谷時, 我把聲已經幾乎冇哂咁濟.....

而由曼谷去德里.....用"辛苦"呢兩個字絕對唔足夠形容到班機有幾惡劣.....

係商務客艙內, 係曼谷上機既客幾乎全部都係 upgrade 客黎.....而最恐怖既就係坐係最後兩行個班印度人....不斷叮叮叮.....要a 要b要c 要d.....其實咁樣唔係問題, 但佢地永遠唔等得....就好似呢頭叮完你, 下一秒就要得到佢想要既野.....不但做到我與同事D 反眼, 連紫姐都做到變臉.....而商務客艙既 call light既數目, 絕對拍得住經濟客艙既 call light....

不過最令我困擾既, 就係自己把聲越來越弱, 唔單止乘客聽唔到我講乜, 甚至紅姐有時都聽唔到我講緊乜....我唯有嘗試大聲d 講, 但一大聲, 喉嚨十分痛.....
亦試過有幾次, 見到同事D 做錯了少少野, 想叫停佢....但我叫極佢都聽唔到......
期間, 紅姐問我: "你而家係唔係好後悔冇port 到班機?"
"絕對係!!!!"
多得紫姐好好既領導, 好不容易就完成哂整個service.... 然後我, 同事D 同埋紫姐就去左經濟客艙幫手.....
經濟客艙既情況係點....4 個字: 人間鍊獄...................................終於到左德里.....同事們都笑我把聲十分磁性.....
連係酒店叫room service都困難重重.....
而直到我由德里回到香港, 我既病況不但一d 都冇好轉過, 仲衰過之前....
回程時, 甚至有兩位乘客扮我把聲添.......亦有些乘客用d 奇怪既眼神望住我.......(我都知我自己把聲十分怪)
不過回程係夜機, 很多乘客都不用餐, 加上商務客艙再沒有 upgrade 客, 所以我也不需要時時說話.....
回港後, 第一件要做既事就係: 睇醫生.....

飛了差唔多一個月印度機....老實講....真係元氣大傷....