第 339 次飛行

2008.05.15

第 339 次飛行

今日有少少唔舒服, 但都飛左班 sin turnaround...

去個程, 真係好舒服, 因為只係得百幾個客....但回程...簡直係人間地獄...

 

起初只係以為得前面個zone 多新加坡人, 但點知差唔多全機都係經典新加坡人, 經典的 businessman, 仲有少少香港人....d businessman 一上機就要 新加坡當地報紙, 點知唔洗5 分鐘, 又要另一份south china morning post...做drink service 時, d 客飲完一杯又一杯...阿姐叫我地順便應埋d call light, 但呢d call light 真係沒完沒了, 第2杯, 第3杯, 第4杯, 完成記唔哂d order, 索性拎張大紙寫低....遲遲都未開始到meal service...

 

回程既時候, 我既喉嚨痛到飛起, 把聲已經唔係好掂, 但佢地就係聽唔清楚我說既 choice, 明明係 fish with rice, beef with pasta, 佢地就話: "fish with pasta pls..." or " beef with rice pls...", 激死我....你地係唔係想拎左我條命?  

 

當中...都發生左d 搞笑野既....

1. 去個程, 後面個zone 差唔多全部都係同胞...咁我serve 某男人時., 我說完今日的choice 時, 他眼金金望住我說:"你很漂亮....我什麼都可以...." 我望住佢....真係打冷陣....其實都唔係第一次遇到, 但每次佢地咁講既時候, 我都想起 "鹹濕" 呢兩個字....

既然佢話什麼都可以, 我梗係"好識做"俾成日冇乜人鍾意食既魚薯餐俾佢....

 

2. 回程做drink service 收緊野時, 有位香港男人忽然問我係乜野人, 我說: " 香港人", 之後佢話:"咁點解頭先我同你講野你唔應我既?", 我只係微笑...其實我只係聽到佢說了兩個字"危險", 我邊諗到佢係同我講喎!

 

到左派餐既時候....那位男仕又同我傾計, 他說: "小姐, 你好靚, 好有古典美....有冇人咁同你講過?" 那時我真係忙到七彩, 不過都有禮貌地應佢: "係咩? 冇喎...唔係掛...古典美?"

之後佢又說: "你好o岩著住旗袍黎派餐....你著過未呀?", 我答: " 冇啦啦點會著旗袍喎?"

 

由於我個foodcart 已經meet 到我partner 個cart, 所以變左我企係那位男仕身邊的時候特別長........

 

之後, 佢又問: "你平時係唔係用開美白產品? 你d 皮膚好白...! 點解你咁白既?", 我說: " 沒有啊...本身都係咁, 以前仲白..." (事實上, 以前孤菇隻腳曾經俾人笑係 "光管腳", 亦曾經有位同事說: 你白到我想睇下你冇著衫個樣...) 坐係男仕附近既另一位男仕忽然爆左句: "又唔見你問我點解我d皮膚咁黑?" 那一刻, 我真係忍唔住笑...hahahahahahaha!佢朋友真係講得好....

 

 其實同我傾計那位男仕都好白...佢繼續說: "我又係黑唔到架, 一曬完甩皮又白番...", "咁我都係..."我回答....之後他仲說: " 咁我同你米好夾囉???" 真係令我哭笑不得....

 

不過成班機到最後出現左問題...話說今次我又做bar 女, 差唔多所有order 都係我自己親力親為, 但唯獨是有個order 係老總接手....因為那位客人用3 張 voucher 買支香水, 仲要唔洗加錢, 所以我先特別記得....老總收完3 張 voucher, 俾左頭等阿姐, 頭等阿姐幫我拎貨俾個客, 咁做完呢個order, 我就親手1做埋另外d order...當中有兩位客人分別俾3 張 voucher 我...好啦, 到埋數時...我心知不妙, 點解好似少左d voucher 既?

 

print 完張 summary, 發覺真係唔見左 3張 voucher,  我double check 番, 我應該係冇收到老總幫我做既order 那3 張 voucher....那時已經landing中...我去左問那3個客, 佢地都話已經俾左voucher 我, 而我都記得, 我親手做那兩個order, 我好肯定係收左 voucher, 於是我走去問老總, 問下佢頭先幫我做既 order 那3 張 voucher 係唔係佢度, 但老總說俾左頭等阿姐, 頭等阿姐又話俾左我阿姐, 我阿姐話已經俾左我....係我度? 但我真係冇印象收過...

 

降落左之後, 我同阿姐反轉成個galley 搵voucher, 但找不到...後來老總仲話要搵番先走人...搞到我壓力好大, 早知我就唔好同佢講我唔見左 voucher 啦, 搞到個個遲左放工...

 

之後重組案情都冇乜幫助....其實搵唔到, 我沒有怪大家, 只係怪自己處理得唔好, 冇check 清楚....我都話唔見左唔緊要, 我寫番個report...不過佢地都好執著..haha....我講左幾次後, 佢地終於肯落機....

上到巴士, 先發覺自己真係好病, 係咁流鼻水, 同我既喉嚨真係痛到飛起....
明天仲要飛 4 日 singapore, colombo....都唔知自己捱唔捱到....