連飛12 日 - 序幕

2008.05.29 to 30

第 342 次飛行

由今日起, 我將會連飛12 日, 首先頭兩日係香港 - 新加坡 - 曼谷, 第2 天曼谷 - 香港...即係我常常做既 pattern...

今次做個好位....哈哈! 成個zone 得14 個位, 仲要第一程唔full, 呵呵呵

 

 不過梗係唔可以只係顧自己個zone 啦.... 所以我遊黎遊去, 幫到就幫....yeah!  
 但第二程就唔係太愉快啦,  因為economy class overbook 左, d 客up哂上business class, 打開張 pax imfo list, 46 個客, 得3 個係真客....

 

點解第二程機成日都係咁架...但老總同紫姐好好人, cut 左個cocktail service, 因為一定做唔切, 係我地好忙既時候, 有個男人係咁問我拎 menu card, 我又搵左好耐都搵唔到, 後來真係多得紅姐suggest 我問客拎一張 menu俾那個客睇....我就搵了一位id 客幫手, 謝謝佢俾張 menu card 我, 我先完成任務.....但點知那個要睇menu 既客忽然問我拎 comment form, 仲問我係唔係香港人, 係唔係講廣東話, 嚇到我半死.

 

..我以為佢係唔係要 complain 我拎張menu card 都拎咁耐, 咁我問下佢係唔係有 d 乜野唔滿意, 佢又話唔係, 事後聽同事講, 那是一封 complimentary letter!

我地business class 快快地做哂個service, 就飄落去 economy class 幫手, 因為economy class full load 不特止, 仲要有成 160 幾個special meal 要派...我地business class 做哂service, economy class 仲派緊 tray....我地幾位落到去, economy class 果然係一個地獄,

 

特別係最後一個zone, 好多手抓埋黎要野飲,

 

 仲洗問, 梗係我地親愛的印度朋友仔啦!

 

 永遠完不了的 drink order....唔係唔想俾佢地...而係d order 多到數唔哂....後來我真係頂唔順, 有時咋聽唔到佢地叫我....飄走去.....

 

 走去幫同事 repenlish d main course, 等等, 點知俾我親眼睇到有位大陸人鬧一位女同事, 我睇住女同事俾人鬧, 真係睇到眼火爆....他大聲鬧佢點解而家先派到佢, 佢好鬼肚餓, 仲講左d 好難聽既說話....搞到女同事好無奈, 好似想喊咁樣...

 

唉....我恨不得用個tray 打死佢...呵呵!

 

而女同事的對答就係: " 你肚餓, 咁你快d 食野啦..." 哈哈, 佢又真係講得幾o岩喎, 佢肚餓, 就快d 食, 唔好再嘈...哈哈!

 

因為飛行時間太短的關係, 老總說派完餐, 不要去 tea/ coffee, 快快做collection, 真係脂智之舉....因為派完餐冇耐, 已經要降落.....

到左曼谷, 同仔仔, 仲有佢個朋友去左食

 

日本野 + 打邊爐, 都唔錯啊!

 

回程就沒有什麼特別, 淨係覺得好眼訓....我對住d 客, 睇見坐係我前面那3 位都訓哂, 搞到我都好想訓....

 

最後我可以係巴士上訓, 點知一訓, 我又訓過左自己個站...

 

但今次好彩未到總站, 我仲識坐乜野巴士回家, 唔洗坐的士....哈哈!

聽日又要飛啦, 要好好睡一覺lu!