我冇心

2008.05.07

第 338 次飛行

而家孤菇正身處羅馬....本來打算回到香港先打這次既blog,  不過不知為何, 機上發生左件小小的事, 總是令我好介懷....

話說臨到達羅馬之前, 所有飲品cart 內既BCR form (即係記錄了內裡飲料的總餘額), 都要拎一張copy出黎, 交俾老總, 待老總再交俾當地的有關人士....咁老總係第一group 訓覺既, 佢就叫紫姐係第2 group 訓之前, 要收哂所有 BCR Form 俾佢...而當時最後的galley只得我當值, 所以我都係第2 group 訓覺之前, 一早寫好哂d form, 交俾紫姐....而我一直都以為自己已經交哂所有form...而有同事亦打過電話黎問我交哂d form 未, 我仲好肯定話交哂....點知到第2 group 訓完返黎冇耐....阿姐無意中發現左係某個酒cart 後面, 原來仲有一個飲品 cart....

 

, 之後阿姐立即補番個張 form 俾老總...其實那時第2 餐都未開始, 那時交多張 form 都唔係遲, 但因為老總事先交托紫姐做呢件事, 所以後果好明顯啦....老總梗係會問紫姐唔係已經收好哂d form 啦咩? 咁紫姐就梗係又壓去我阿姐上啦....咁我阿姐就梗係同番我講啦, 叫我一陣上去say sorry....

 

老實講, 個一刻我真係非常唔好意思....因為(1) 我好耐冇係那個galley 內工作... (2) 我真係醒唔起後面仲有個drink cart (其實如果唔係到最後冇乜野飲, 大家都冇諗過後面有個drink cart), 所以我真係冇心....

 

但點都好, 件事都係因我而起, 點都要去認錯....

落左機, 好難得先搵到個機會同紫姐講唔好意思...她說, 唔緊要....但我發覺她是在意的, 因為那句唔緊要後面, 仲有一段話, 類似話: "如果你下次唔肯定既, 就應該話唔係太清楚, 一陣先回覆....就唔好話已經交哂....搞到我好尷尬" 咁我同佢講, 我那時咁肯定答係因為我唔記得後面仲有個drink cart....可惜佢依然都係重覆那句: "如果你下次唔肯定既....blahblahblah..." 所以我放棄左解釋....畢竟已經錯了, 點解釋都係冇用....忽然間我覺得....就算我上去business class 幫手又點? 只係做錯一件事, 就好似做好n 件事, 都cover 唔到一件錯事咁...

 

而人家只係記得那件錯事.....

事後我同阿姐講左我已道歉及紫姐既反應, 她叫我唔好太介懷....但唔知點解, 我越叫自己唔好咁介意, 我總是很介意....

我想原因很簡單...因為我真係冇心既....但係人地眼中,  好似唔係咁諗...唉....

黎到羅馬, 還有點不快事...等我返到香港再講吧.........