小孤菇長空中往返: 搏到盡大海洋路遊

2008.05.25

去到墨爾本已經係第二天早上, 氣溫只係得3 度....好凍呀!!!!

起初仲以為兩位新人第一次去墨爾本會去 sightseeing....點知佢地兩位有朋友係度, 所以竟然唔會去, 既然佢地唔去, 我都諗住打消念頭, 點知同事m 問我有冇興趣去sightseeing, 我當然有啦!

其實...上一次我黎墨爾本, 已經係3,4 年前既事, 真正operate 去呢度, 只係得兩次, 其他的, 我全部都swap 走了...我並不是不喜歡這裡, 而係呢度曾經帶俾我一d 回憶吧....加上做空服的第一年, 我已經用了一星期時候遊過墨爾本, 所以很多地方都去過了....

不過今次我再到這地方, 好開心, 因為我終於走出這個框框....

我向同事m 說, 雖然好多地方我都去過, 但我唔仲意去多次, 其實最緊要同事m 鍾意...

由於我地第三日晚上10 點幾就要 pick up....所以去唔到睇企鵝, 之後我地打算去 great ocean road, 晚上7 點半回到酒店, 但阿哥聽到後, 叫我地唔好駁到咁盡, 驚我地返唔切黎....搞到我與同事m 有d 卻步....之後我又提議puffing billy 呢個tour, 因為可以係5 點回到酒店....我地足足諗左大半日....

最後, 我地決定.....搏到盡! 去 Great Ocean Road!!!!

老總仲笑說竟然係我地兩位唔係新人去 sightseeing...haha!
就係咁, 我地第3 日早上 07: 20 開始我地既旅程.....

可惜前一日day time 訓得太多既關係, 那晚凌晨兩點幾就醒左, 訓唔返.....眼光光望到7 點半....好眼訓啊!

Great Ocean Road 係一條長長既海岸線.....最令人期待既係 Twelve Apostles, 不過去睇呢個景點前, 要坐成4 個鐘頭車先....

未去到twelve apostles 前, 導遊中途都會停下, 俾我地影下相相....由於同事m 既相機壞左, 所以今次全部都係孤菇操刀....

可惜....我既技術.....加埋個天不是太好....唉....可能會令同事m 失望...

雖然呢4 個鐘都有停下車, 走下出去影相, 但因為d 路又彎, 轉完又轉, 同埋唔夠訓既關係, 搞到有d 想嘔既感覺....

到左 12 點, 都仲未到12 門徒石....去左 Apollo Bay, 黎左個lunch, 唔知係唔係覺得我份人唔大食, 我個份fish and chips 既魚柳, 比其他人既魚小一半....

一小時既lunch 完左後, 繼續坐車....

今次導遊直踩左成個半鐘, 終於到左第一個景點 twelve apostles....

大家留意下, 最前面那塊石相信就係年幾兩年前跌左落黎個舊石啦!

點知去到第一個景點, 天色忽然黑起黎, 之後仲落雨, 真係掃興.....我記得我上次4 年前黎, 又係咁...

第二個景點係Loch Ard Gorge...同埋 Razorback

然後就去左Port Campbell 買d 野食, 點知個度d 人做野勁慢, 搞到我地過左指定既時間上車, 導遊黑面, 仲話唔俾我地帶熱飲上車....搞到我地兩個要狠心丟左杯未飲過既chocolate milk 同 tea..嗚....

最後就係去 London Bridge, 左右兩舊石本來係連埋一齊....但係1990 年中間既部分跌左落黎, 所謂..." london bridge is falling down....", 當時仲有位小朋友係度唱呢首歌, 真係應景....哈哈!