第 352 次飛行
好耐冇打blog 了, 因為真係好忙好忙, 同埋好累.....
飛完班奪命新加坡, 接著第2 日係4 日sydney pattern....去到 sydney, 真係要好好休息一下... <---我係咁同自己講.....
點知....估唔到, 一班簡單的sydney 機, 我遇上一位我不太喜歡的同事....
這班機, 又是有兩位新人, 一位 07 年 9 月join, 一位 08 年, 只係飛左兩個月, 佢地兩位被編埋做同一條 aisle....而我的partner 就係一位05 年一月join 的舊人...
雖然我已經做左好幾年, 但我依然都覺得仲有好多野要學, 所以我永遠都會謙虛地學習....更何況是新人呢?!
上到機, 我partner 去左business class 幫手...08 年新女去左set 報紙車, 得番我同07 年新女係 galley 做ground preparation....之前阿姐問佢熟唔熟service 既野, 佢仲話熟, 但上到機, 佢係咁爭野做.... 我"針" 水....我見佢睇過下d bar cart, 但就乜都冇做, 仲同我"針" 埋水一份...之後我"針針" 下水, 見未滿, 就走去 chill bar cart內的drinks, 點知佢一見我chill, 就話等佢黎...我話唔洗, 叫佢整creamer & sugar....點知佢開完個compartment 又唔關...放到galley 周圍都係野, 我已經有點不滿, 因為佢冇關compartment的門, 差d 撞死我個頭....
就這樣, 差唔多 boarding...boarding 完....我唔知佢地個邊發生乜野事....我同我partner 都聽到07 年新女對08年新女說: "我唔係鬧你, 我只係想話你知通常d 客blahblahblah...."<---佢講左d 乜同發生乜野事, 我冇過問.....
講真, 新人新, 做得慢, 不是罪....但attitude 唔好, 我覺得好辛苦, 同埋好頂心...
好似阿姐話, 叫08 年新人同 我partner set foodcart, 我同07 年新女執drink....但 07 年新女唔聽, 係咁幫08 年新女遞main course...我提左佢一次, 佢都係唔聽...結果呢? 我地個邊個cart 出得快過佢個邊囉, 08 年新女set 完個foodcart, 仲要自己整埋個drink drawer.....睇見佢都慘....
不過我最唔妥係prepour 事件...
話說07 年新女同我partner 訓1st group, 我同08 年新女訓 2nd group....咁我醒左次後就差唔多做2nd service....首先係一個prepour juice service....一向都會有一大盒 orange juice 同埋一大盒 apple juice 拎黎做prepour juice....由於我呢排成日做sydney, 所以一定係2nd meal 的 foodcart 內...咁我醒左, 就問阿姐倒得prepour juice 未, 點知阿姐話可能唔夠juice....話要同 business class share, 其實當時我覺得怪, 有成兩大盒, 點會唔夠juice 做prepour service? 但我冇再問....於是我等....之後阿姐行開左, 07 年新女返左黎, 我就問佢: " 我地唔夠prepour juice 咩?", 佢話: "係呀...唔夠喎!", 之後我話: " 我地應該有兩盒 prepour juice喎...", 佢話: "係啦, 我兩個wk 前先做完, 不嬲都有架啦!不嬲都係back up cart 內啦...", 個句:"我成日做sydney 架啦....公司兩個wk 就俾一次syd我...." 我成日都聽到佢係 inflight 講...聽到我都厭, 最慘佢話佢成日做, 我又唔覺得佢特別對d 野熟....唉....所以我聽到佢又講呢句, 我又唔多鍾意, anyway, 之後我話: "但頭先我係 2 nd meal foodcart 見到有prepour juice 喎!" 於是我開左個cart 俾佢睇.....佢話: "係囉...係呢度囉! 我兩個星期就做一次sydney, 點會冇?" <---佢又黎...=.= 見佢咁得戚, 我說: " 我個個wk 都做syd, 不嬲都係放係呢度, 唔係放係 backup 內..." 點知佢講: " 我呀, 成日都訓 2nd group 架啦! 不嬲呢d 野都唔係我搵..." 由呢一刻開始, 我簡直係好憎佢.... 之後我partner 話我知, 佢根本都唔知d 野放係邊, 成日要問佢....咁好心07 新女, 唔好成日識少少, 扮代表, 好冇?
點知佢對客的 attitude 都唔好....
我個zone 有個客 要 extra blankets, 咁我搵唔到, 諗住問下其他同事有冇見到....點知她說: "冇呀, 同佢講冇啦...." 我好衰, 一唔鍾意佢, 佢講乜我都係唔鍾意....其實我當時已經過哂時間 rest, 諗住旨意佢, 但諗諗下, 都係唔好, 自己死死氣氣去 business class 拎完條 blankets俾個客先再去訓好過....
不過這位同事, 最後辣著左紫姐....因為紫姐 2nd service 落左黎幫手...我地做哂 service, 有個客先醒, 話想食野, 點知07 新女同個客講, 我地就快降落, 所以冇得食啦....咁o岩紫姐係後面聽到, 就問佢點解唔俾個客食野....佢仲駁咀說:" 咁仲有20 分鐘就landing 麻...", 紫姐問: " 邊個話既?", 新女梗係答唔上啦....之後新女走去拎d 飽俾個客, 等佢拎落機說食, 點知紫姐說: "你想害死人地呀? 你唔係唔知sydney 唔俾帶食物入境架咩?" <===真係抵死, 成日話自己做sydney 機, 而家真係....樣衰...
可惜紫姐同我阿姐講呢件事, 佢竟然唔信....話要問下佢先...=.=
其實仲有好多好多野發生.....不過唔想再講.....落左機, 我同我partner 已經唔係咁想同佢傾計......
落左機, 佢仲成日講: " 我兩個wk 就做一次 sydney...blahblahblah..." 你究竟講夠未...??!
因為成日要執佢手尾, 我連賣 duty free 的時間都犧牲埋....落左機, 仲問我賣左幾多....我好悔氣說: "冇呀...冇乜點賣, 都冇時間賣...." 點知佢話: "我兩個wk 前做syd, 都係賣左一千...", 我說:' 但我之前做syd, 賣到好多..." , 我心諗, 夠啦...你唔好再講!!!!
去到sydney個晚, 同左水泡泡去 pancake on the rocks dinner....估唔到而家darling harbour 都有...真係好多謝你啊!
之後第2 日就係出roster 的日子, 但我一d 都唔開心...trump 左班 6 day paris, 但冇得同自己想飛的同事飛....好失望....心情跌到谷底, 仲要其他都係連續5 日都要飛的垃圾機....好個d 機就要同 top 10 飛...睇黎8 月我的飛行生活都幾精彩.....
回程....好開心, 得70 個客...(好彩咁少客, 唔係我會死埋我剩埋個半條人命俾佢......)老總仲安排我地分成兩group, 一group 做一個service, 變左我地休息的時間多了....這實在太好.....
回到香港....在巴士上, 有一個驚喜等著我.....那一刻, 我真係好開心, 好開心.....
終於有一天假....但對我黎講實在太少, 之後又係 ultra long flight, 大家又估下係邊度啦!
No comments:
Post a Comment