standby 第一天 - Sydney

2008.07.03 to 06

第 349 次飛行

又一星期standby....以為公司唔會call 好野, 又諗住夜晚standby, 好少會有call....standby 前又冇acknowledgement, 仲諗住今日會白賺添....

等到20:50, 電話響, 我心諗, 唔係掛......

 

 真係要飛........
 " 你係唔係xx 小姐? 有duty 俾你, cx 1xx, 去 sydney, 今晚22:25 briefing... xx 號番到香港, 之後兩日繼續standby...byebye"

收左線, 仲以為有得claim 的士.....點知....仲差5 分鐘先有.....嗚........
 公司...你對我真係好.....好到冇人有....嗚.......
 

最後我要捱貴貴的的士錢回公司......

好rush, 真係好rush, 估唔到會係 long flight, 仲要係 sydney, 首先要將我執好的野倒哂去suitcase, 之後要執冬天衫.....再 sms 俾係sydney 讀緊書的好友水泡泡.....估唔到佢好快手打個long d 電話俾我.....我邊食緊爸爸煲俾我的蕃茄薯仔湯, 一邊同佢傾電話....

 我仲話: "唔同你傾住啦, 我真係要走..byebye..."

回到公司....去 check in, 原來個fllight 仲未有我個名.....睇黎個crew 真係好last min port sick, 真係好想鬧鬼佢.....

再check 自己 position, 我係 business class 工作.....我唔制!!!  

真係好憎個隻33 B 的business class.....我開始明點解個crew 要 port sick....

不過o岩o岩公司出左notice, 話new aircraft 的 business class 會試下用 food cart 派tray, 呢個簡直係一個good news!!!!

點知第一個service 用呢個新的service flow 就出左問題...因為galley 得4 位同事, 兩個出左foodcart 派tray, 兩位出drink trolley, 結果galley 內冇人....冇人repenlish, 即係我地要自己 repenlish 番自己要既野....最後d bread 又凍哂, main course 又凍哂....10 個慘.....又冇人整麵食....(因為其中一個choice 係要自己"陸" 麵..), 仲要我地business class, 有成半數都係upgrade 客, 係咁喪食....好似前世未食過野咁...
最後老總加入我地的戰團, 情況先好少少.....但老總, 紫姐仲有位紅姐都係第一次做呢個galley, 係咁complain 呢個galley 好唔掂, 個service flow 又好唔掂....我完全明白佢地的意思....因為我第三次做呢個galley, 我仲想鬧爆公司.....
 

最後, 我地決定第2 個service, 改做overlapping....雖然d 客要等耐d, 但至少人手夠用先.....

好不容易, 終於黎到sydney.........

 

 但我條腰真係做到就快斷......
 
係酒店 check in 時, 蘇珊姐姐叫我要快d 訓, 因為我兩個黑眼圈已經好鬼大.....梗係啦, 我成24 個鐘冇訓.....

因為我知少爺lo 昨日都飛左去 sydney, 所以搵佢, 但佢去左hunter valley 玩, 所以我夜晚去左佢d crew 的房, 試下佢地買返黎的白酒....飲左兩啖....

 

兩天 sydney 都落雨, 同埋都幾凍, 所以冇乜去邊....第2 天同少爺lo 打算去 sydney tower, 但點知而家crew 只係得 25 % discount, 再冇free of charge, 個位賣 ticket 姐姐仲話我地冇排隊 (但我地明明有排啊!), 咁掃興, 我地冇上去就去左 QVB 食個lunch, 再回酒店....晚上就同水泡泡dinner.....
最後一天, 回程....business class 唔full, 有6 個位剩, 仲要小朋友都幾多下... 因為全部都係"真"客...所以都幾好做....但其中一位叫 Mr Hill 的男人...搞到我地好唔開心.....

 

 因為captain 老婆同埋佢3 個仔都坐 business class, 其實個3 位小朋友又唔係真係好嘈, 但 Mr Hill 同我complain 左一次話叫佢地 lower down the voice, 搞到我都好難做, 但我都要做個樣俾Mr Hill 睇, 同captain 個老婆講左....點知之後到老總crew rest 完, Mr Hill調左位去前面個zone 坐, 仲鬧老總: " ur crew is not well trained...ur crew should wake u up and u should solve this problem!!!!" 之後仲話要 complain....好彩....當時呢個情況, 有客幫我做witness, 同埋Mr Hill 一complain, 我立即去同captain 個老婆講同埋向紫姐report 左....咁老總當時訓左, 所以通知唔到佢....老總俾個客鬧完好嬲, 其實呢件事captain 一早知, 佢話如果個客真係complain, 佢自己都會寫番個report protect 自己同我地.....不過呢個Mr Hill 都唔係好人...on ground 的時候, 又挑戰我地, 問佢飲乜野, 佢話要 white tea....自己係gold card member, 都唔係第一次搭我地飛機啦....明知on ground 唔serve hot drink (seat belt sign on 左麻...), 死都要囉.....煩....
 
老總最後同我講:"我d crew 咁好, 仲要 complain, 真係好過分...."
打完9 個鐘頭仗, 終於飛到番香港, 點知泊左係 outerbay....仲要落好大雨, d 客都問點落機, 唉.....你問我, 我都唔知喎, 我一陣都要咁落架啦....你慘, 我都慘, ground staff 仲慘....因為機場太忙, 唔夠接駁巴士....最後等成45 分鐘, 先落得哂d 客....
 

一步出機場, 見到親愛的爸爸, 好開心....

 爸爸仲買左野俾我飲.....
 
之後放一日假, 仲有兩日standby....加油!