峰迴路轉

2008.09.01 to 07

第 362, 363 次飛行

又很久沒有打 blog了, 這陣子真係很忙很忙...唯獨是打緊blog, 看見自己的文字, 才覺得自己仍然生存中....

這個星期我去了悉尼, 同埋馬來西亞既檳城....

講講悉尼之旅...有點峰迴路轉....

下午, 我出左街, 公司打左去屋企, 太后聽左, 公司叫太后再叫我check crew direct or 打番電話俾 crew control.....出緊街既我, 打左返去公司問, 真係轉左我pattern, 本來 4 day pattern 既 sydney, 因為 aircraft cheange, 變左3 day pattern.... 

其實本來都冇乜野, 不過一早約左同水泡泡去 blue mt 麻, 所以有少少失落咁....

最後我接受事實, 上班去....., 其實都唔錯, 冇啦啦多左一日假....
點知黑開真係有條路.....我比原定的時間早15 分鐘開始等公司車, 但等到原定時間過後 30 分鐘架車都未黎.....時間一分一秒咁過, 另一位同事提議不如一齊坐的士返公司....咁當然好啦, 話哂briefing 既時間就到.....最後我地飛的士返去....好彩, 都趕得切, 今次好多謝有心人, 如果唔係佢打電話話我知公司車係唔係已經冇左夜晚個班車....如果唔係我唔知自己係度傻等左咁耐....
返到公司, briefing 完....同事們都知道得我一個係 3 day pattern.....呢個時候, 有位同事話想做3 day....咁我覺得已成定局...都就黎上機.....點知佢真係打左去crew control......就係咁.....我忽然轉番做4 day, 佢就做3 day......(真係估佢唔到...).....那一刻, 心情有d 唔知點咁.....
不過後來我知道他被call standby, 仲與我同一日, 差唔多時間返到香港.....我覺得好像有點整定咁....
無驚無險去左sydney, 第一日好天既.....仲以為第二日都好天, 於是同水泡泡坐兩個鐘頭火車去 blue mt, 點知越行越遠...雨就越落越大.....

 

上到blue mt, 連3 sisters 都睇唔到....太掃興了......最後只好失望而回.....

 

下次.....(雖然唔知下次幾時)......但總有一日, 我一定要上去!!!!!!

 

悉尼之旅後, 放了一日假, 就去左檳城, 呢班機, 兩個字形容 - 辛苦.....
想不到馬來西亞既客依然都係咁煩.....我做完 drink cart, 回galley 途中, 全部客人都要 2 nd drink, 我partner 收野收到黎我後面, 笑說: " 嘩...乜你仲未返到入galley...?" 係....真係好慘......對面的情況仲慘過我....
不過最驚嚇就係得番一個鐘頭的時間都冇, 我先開始賣duty free, 點知我一打開個cart, 先見到....有成3 個preflight order!!!! 仲要我手頭上有n個order, 個一刻我真係癲左, 最慘係冇客自動送上門話有preflight order, 係咁緊急的情況下, 只好要同事幫我搵呢幾個客出黎....搵就搵到.....但又係一個字"煩", 又得張紙仔 asia mile card, 但死都要我幫佢計分.....又嫌個袋唔夠大.....(下刪一百字..)
做做做...做到最後....captain 說: " cabin crew, please be seated for landing..." 我仲有一個order 未做.....幸好個客很好.....用卡俾錢, 但唔洗要 receipt....咁我先早點爬返去 crew seat 度, 當時架機真係好搖.....好危險....其實我自己都幾驚....幸好, 我最後都完成任務...來到檳城.....

 

檳城的天氣好差, 落大雨, 周圍都水浸....加上身體又唔多舒服, 所以留係房食自己野, 仲叫左 room service 呢! 真係要慢慢享受下....

檳城之旅後, 接住就係倫敦之旅啦, 有時間我要繼續打吧......