Mont St-Michel + Versailles

2008.08.25 to 27

第一天

到達巴黎仲係早上時分...阿姐同埋另外兩位同事都有興趣去Mont St-Michel, 所以我地去左報名....之後我就回房休息.....

 

第二天

我地約了6 am 係 lobby 等, 天都未光就坐的士出去tour 的集合地點......因為之前個晚, 我只係訓得兩個鐘...所以咖啡整天都陪伴著我......

7 點半, 正式由巴黎出發....坐了兩個半小時, 有個中途站俾我地落車抖下, 鬆下, 同埋去洗手間.....但因為同時有成幾個tour 出現, 令到洗手間大排長龍, 起初我地仲諗成半個鐘break咁多時間, 點知淨係排隊都已經排左差唔多半個鐘.....真係唔明, 點解女人去洗手間要去咁耐.....
有幾位日本女士們等唔切, 去左等男廁...真係估佢地唔到...呵呵!
 最後我叫男同事幫我排住隊先, 我睇完我要買乜野, 再叫佢幫我買住先.....我再排番隊.....

上番車, 慢慢嘆我既早餐....

 

整個早上, 我係訓完再食, 食完再訓, 再坐多兩個鐘, 終於到左 Mont St-Michel..............

既 對面ONLY!!!!!!!

 

係呢度, 我地黎個lunch 先.....下面就係出哂名既omelette....但我地食完, 一d 都feel 唔到有幾特別, 可能最特別係隻蛋側邊既泡泡掛......起初我仲好擔心下面隻蛋係唔係就係我地既 lunch, 好彩唔係, 之後仲有 salmon 同埋 dessert.....都算唔錯...

 

lunch 過後, 我地就去修道院....係上面望落黎就好似下圖咁.....中間既路係1870 年建設出黎既, 以前要潮退時先有得上黎架.....而家就算潮漲, 這裡都唔會再同陸地分離.....

 

我地成團分開日本同埋西班牙/英文兩小group, 導遊用個半小時向我地介紹修道院內既歷史痕跡....不過佢既英文好重法文口音, 好難聽得明....不過我地已經好努力去聽了.....
餘下既個半小時, 就係自由活動時間, 我地買下紀念品....係修道院出面行下....本來今剛剛到達時既天氣唔係太好, 好多雲, 但到了4點幾, 天色轉好, 我地不忘係咁影相...影相....

 

 

 

 

離開左Mont St-Michel, 又要花4 個半小時坐車回 paris....中間又係有個站俾我地落車抖下, 今次我與同事一支箭衝落車去洗手間.....呵呵!

回到酒店都10 點了.....都唔知點解飲得越多咖啡仲眼訓d.......
第三天
我與同事p 去左凡爾賽宮.....只係出發的時候有點唔順利, 但其後既旅程都好愉快.... 

 
我地由9 點半行行行, 走了幾個大廳....其實內裡都係一樣.....
 

我最喜歡都係個大花園......

 

真係要慨嘆, 以前既人真係得閒得很, 咁多時間去設計這宏偉既建築.......

行到點幾兩點, 我地開始行到累......但我地見如果出左去食野, d restaurant 應該會close 哂, 所以最後我地決定係 versailles 內lunch....

 

再拖著疲憊的身軀回酒店去.....

更多既照片係呢度: Mont St-Michel & Versailles in France