任何天氣

2008.09.19 to 23

第 366 次飛行

這班機, 我又回到溫哥華.....(點解講到好似home port 咁?) 冇辦法, 鬼叫呢排真係同溫哥華幾有緣.....
今次去到溫哥華, 天氣唔係太好, 所以都係同d 同事去附近食下飯就房休息.....

去到的第2 日, 成set 香港同事一行7 人+港產機頭 去左飲茶, 點知有間酒樓話要早兩晚 book 位先有得飲, 真係恐怖, 結果我地去左另一間, 個間都幾好食......我只係記得, 我地係咁嗌左好多野食, 我地 8 個人, 叫左成差唔多 20 碟野食, 當中仲有飽, 仲飯, 份量好多, 但竟然食得哂.....真係有d 恐怖....

第3 日下午, 仲以為又會好多人去 lunch, 點知8 個走左成半.....得番4 個, 去左食越南野....覺得今次食個間, 好似好食過上次食個間.....

不過今次溫哥華之旅, 令我最深刻都係去個程係 business class 見到一位明星....佢同佢個仔, 仲有佢家姐, 同埋佢家姐個女一齊坐飛機去溫哥華.....後來佢地仲幫我買左4 條煙, 可惜只有3 條......一直都聽人地講佢地係機上面態度唔好, 但接觸過後, 覺得她們的態度也不錯.....並唔係外間或同事們講到咁衰.....

沒有化妝的她, 都一樣咁靚...不過皮膚方面, 我覺得我好過佢啦.....呵呵呵!!! (自大中...)
 

佢係邊個? 睇下下面首歌就知道架啦......因為一見到佢, 我永遠都記得佢出道的第一首歌.....

我自己都好喜歡呢首歌, 特別係歌詞呢!

你根本不須擔心這世間怎想你
其實我說你已經夠完美
情人每次刻意地回避
明白你眼里的憂與喜
我很清楚世間終于有天欣賞你
期望你信我我總有道理
無人會這一世站原地
如若想飛更不可泄氣

全情投入來愛你
而無論任何天氣
一起如陽光變驟雨
擔當一位愛人亦擔當好一個知己

全情投入來愛你
而無論任何天氣
一起連人生也絕美
花些心機再營造驚喜
若深愛不舍不棄 (你)
知不知我可供給你一些朝氣
回望我每次也總看著你
全憑愛最苦也是甜味
煩事可不可一起處理