與感冒菌作戰5 天

2008.09.28 to 10.02

第 367 次飛行

我用3 day 北京機換回來的紐約機, 仲諗住有得去sightseeing 及shopping 一下....結果, 一切都落空了....

第一天

那天起身, 已發覺喉嚨痛, 但並不是那麼嚴重.....

怎料上到機, 做完第一個service, 之後 1 st group rest, 再一輪杯麵大戰, 1 st group rest 既同事回來, 我地就做2 nd service, 到左呢個時候, 已經出現鼻水....最後係我訓前, 同事們叫我不如食兩粒必理痛先訓.....

結果我係個bunk 度, 一邊流鼻水同咳黎度過我的rest period...

起身後, 一點好轉都冇....仲嚴重左....就係咁, 降落左紐約.....

一touchdown, 我立即要入洗手間, 因為d 鼻水已經流左出黎.....好彩我坐係機尾, 冇客見到...=.=
降落到紐約最痛苦的一件事就係 ear block 到去到酒店都未通番.....

我只記得自己一邊坐crew bus 去酒店, 一邊流鼻水......

到左酒店, 有同事話我好似喊緊.....因為d 鼻水搞到我對眼都好辛苦.....

結果我食左check in 送既兩塊餅, 再食d 成藥就去左訓....

第二天

訓下而醒下, 再訓下, 就已經24 個鐘後既第2 天....可能成日都冇食過野, 起身個一刻全身都冇力, 仲標冷汗.....而我答應左同事會去lunch, 加上我真係好餓, 所以我抖了一陣, 見好了點, 還是去了.....

我地4 人由51 街行到32 街食 buffet...食到兩點半, 起初我都覺得自己ok, 但時間越耐, 又好似唔多舒服, 仲要睇野開始黃.....結果食完 lunch, 我自行回酒店, 佢地3 個就去 5 th ave 行街, 佢地叫我不如沿5th ave 行番酒店....但我真係冇心機一邊睇野, 一邊行.....趁我未暈低前, 盡快番酒店.... 途經 pharmacy, 入左去買d 藥食.....

回到酒店食完藥又係訓訓訓......但一直都未好過, 食左成藥頭兩個鐘好似係好左d, 但之後d 病又返哂黎咁, 同埋最辛苦係對耳仔.....一時左block, 一時右block....雖然好辛苦, 但我堅持唔睇公司的醫生.....
第三天
我差唔多成日都係睡眠中度過.....我見自己個病一d 都冇好轉, 心諗唔係辦法, 我搵番上次睇家庭醫生食剩的收鼻水藥去食.....我知食佢既藥應該會好好多....但因為得番兩粒, 我真係要好好珍惜.....
結果...個晚的確係好左好多, 鼻水好像少了很多.....
第四天, 第五天
很想快d 番香港, 但偏偏架機delay 左成兩個幾鐘, 到我地去到機場....仲要等多一陣先上到機.....而由於可能機場太忙的關係, taxi 左成個鐘起到飛, 前前後後delay 成3 個幾鐘...唉.........
起飛時, 冇ear block, 仲以為自己好了很多添...點知做緊第一個service 時, d 鼻水又回來了......我一邊做duty free order, 個客話: " 你好嚴重喎!", 我問: " 乜野嚴重?", 他說: " 你d 感冒啊!", 我說..." 係...."....
到降落時, 鼻塞, ear block 得好嚴重....落左地面, 左耳幾乎聽唔到人講野....淨係聽到自己講野囉...唉.....
最後 ear block 左3 個鐘, 終於通番....但一打喊露, 對耳就好痛....還是要睇醫生吧.....但我回到香港已經晚上 10 時多....要等第2 天吧.......
5 天後
終於一大早去左睇醫生, 醫生話對耳仔發炎, 尤其是左耳, 好紅, 好嚴重.... (怪不得那麼痛...)
幸好我有4 天假.....

3 日假後的今天

已經好左好多左, 但唔係好明點解對耳仔仲要有時block 左....唉...........

耳仔你快d 好番啦, 我下班機一定要飛架!!!!