腦汁耗盡

2009.07.07 to 08

第 416 次飛行

很久冇做回程 DIRECT SIN 啦... (唔計 SIN - BKK)....今次本來很想swap 走, 不過 (1) 沒有更好的offer.. (2) quota 有限....最後都要硬著頭皮走一轉overnight.....

去個程這也都算是我既第一次跟有經驗的SIN based 飛......起初都有d 擔心唔知大家工作合唔合得黎, 不過事後, 我發覺是我擔心得太多.......

 

由於去個程係同SIN based 飛, 老總也是SIN based 既, 所以係公司內的briefing 轉移左去機艙內...老總簡單地說了大家的 position, 就開始工作啦....
去個程overbooked.....同埋出奇地, 乘客的行李都非常多, 非常大, 同非常重......上了一半客, 已經佔滿左, 80 % 既 overhead locker......最後係冇辦法之下, 要大清理一下overhead locker.....未起飛, 額頭已經出哂汗.......

忙完一輪後, 竟然有位乘客同我講要見老總? 一睇佢個樣就知佢係想投訴... 因為我第一次接觸呢位乘客佢就話要投訴, 咁我當然好想知係發生乜野事啦....重點係想知會唔會同我有關 (雖然覺得機會好微)...但點知佢死都唔肯同我講, 仲問我 "are you the head of the cabin crew?" 咁我又真係唔係....

 

不過我又唔想咁快驚動老總住麻, 所以同阿姐講聲, 睇下有冇辦法先....後來阿姐去同個客 介紹自己, 問個客有乜野投訴, 個客忽然之間話: " it's getting better now"......後來我地懷疑個客可能想投訴on ground 時 cabin太熱......

起飛後....大家都著左turbo 去做野....可惜一直都有大大小小既問題令到我地既工作進度有d 阻滯.....
(1) 很多 headset 都壞了....(2) 太多要野飲, 要報紙既乘客... (3) 機上的 video system 出左問題: 節目表明明說這是 movie A的名字, 但入到去係做緊 movie B....仲要唔止一套係咁.......為了呢個問題, 我搵老總, 但老總既態度好似唔想理咁.....話on ground 已經有呢個問題, engineer 整唔到....所以佢都冇辦法整到.......(咁點解你唔係起飛前做廣播話俾成set crew 知?) 仲問我節目表上既movie 名字係唔係同播個套一樣....(唉, 我都說過唔係囉......) 之後佢仲問我點樣回應個客....咁呢個情況下, 我地唯一做到既...就係道歉, 同埋只好叫d 客逐套電影click 入去碰碰運氣.........幸好我既zone 的乘客都接受我既解釋同解決...... (4) 實在太多 call light......

去完 cocktail service, 就派餐, 去茶, 咖啡.....之後就收野, 收到一半時, 我就要暫時我既收餐工作, 去處理一堆用唔知邊度黎既 voucher 買野既 duty free order.......
就係咁....行足 3個半鐘去到新加坡........最痛苦都係......成程機, 幾乎一邊行, 一邊對腳抽筋, 但仲要扮無事.....
做完呢一轉, 我真係好佩服SIN based 既同事.....你地真係好勁呀!
第二天, 我join 返 HK based 既同事起程回香港....這天好了點.....起碼唔full 先.....

 

不過要報紙的問題依然存在........做左咁耐, 我覺得最需要睇報紙既乘客係來自...(1) 新加坡, (2) 台灣, (3) 香港........好像沒有報紙會死既.....

 

 都唔係好明d 人有錢買機票點解唔哂多少少錢去買報紙呢? (既然咁想睇....)  同埋雖然報紙都算係inflight 既其中一種本公司有既 service, 不過都不能擔保人人有份麻.....算, 係度講幾多都冇用....點樣講都依然會有成千上萬既人唔識自己去買報紙睇.....

我好記得, 我係商務客艙幫完手返去經濟客艙後.....連續n 位乘客問我拎枕頭, blankets, 報紙....就算我用張紙抄低,  都抄唔切.........

anyway, 由於始終都唔full, 所以回程比起前一日已經易d 去應付.....很快很快, 又再回到香港............
可能腦汁用得太多....放工後, 頭好鬼死痛........

再過多十幾小時, 又要起程去另一處啦.............