港太

2009.08.11

第 424 次飛行

前往日本既航機上...有一對香港母女坐左係經濟客艙既第一行....

我行經過佢地身邊既時候, 個女問: '我想問呢件行李係唔係唔放得係呢度(即係第一行座位前面既位置上)?'

咁我答唔可以.... ( 根據安全條例, 第一行前面既位置必須要空置, 而坐第一行既乘客既行李, 手袋都係起飛同降落時都必須放係行李櫃內...)

個女聽後, 說:' 咁你同我將件行李放上去啦...'

我心諗....佢地應該不嬲都洗慣人做野....
於是我說: '不如我地一齊將件行李放上行李櫃內....'

點知個女答我: '乜野叫"一齊" ?'

我心諗...你d 中文都幾差下, "一齊"既意思係乜都唔知....

我答: '一齊即係"你" 同"我" 放件行李上去...因為我自己一個人都應該唔夠力拎到你地件行李...'

呢個時候, 阿媽就話: ' 件行李唔係好重之麻....'

唉....真係........好似講到件行李好似係我既, 唔係佢地咁....

我唔理....個女唔幫手,  我死都唔會自己搬上去架啦....我企係個女隔離....但個女都係無動於衷.....

後來阿媽說: "人地係度等緊你呀...."

個女先起身同我搬行李....其實件行李唔係好重....不過個女係一d 力都冇乜出過.....

這的確令我很憤怒.......

之後我回到galley....問阿姐手上有冇客人既 information list....一睇....原來佢地兩位都係貴公司最尊貴既會員.....既然係最尊貴既會員....相信都唔係第一次坐我地飛機啦....仲係好似乜都唔知, 唔識, 同埋冇禮貌.........

她們甚至連手袋都唔想放上行李櫃內......梗係好想係you tube 上鏡........

呢d 客人....似住自己尊貴就大哂咁.....好討厭.......