會道歉的媽媽

2009.08.16 to 19

第 426 次飛行

前往悉尼既機上....有位媽媽抱住幾歲大既仔 + 拖住幾歲大既女, 3 人一齊上機....由於媽媽抱住個幾歲大既仔, 所以行李就由我地機艙服務員幫手拖上機....再將行李放入行李櫃內....那時, 佢地3 個人已經佔左一行4 個座位.....

這天既 loading 大慨80 % full, 空位是有的, 但唔肯定邊個座位會冇人坐....我係cabin 行黎行去既時候....我忽然發現係媽媽前面個行有件大大既行李放左係座位上....而我又認得那正是媽媽既行李....於是我就同媽媽講所有行李必須放係行李櫃內.....媽媽聽後就同我講佢想罷住前面個行....我就答佢, 不如放返件行李上去先, 我再幫係check 下有冇人坐係前面個行, 如果冇既話, 我可以幫你block 左個位....於是我又再一次要將那件少少重既行李放上行李櫃內..... 而其實那時媽媽對我說話既語氣已經不是太好....

過左一陣, 我又係cabin 行黎行去時, 佢截住我話要張express lane form....(呢張express lane form 只係會派俾坐頭等同埋商務既乘客 + 坐係經濟客艙既鑽石會員....乘客拎左呢張form, 去到澳洲既機場時, 就可以行快線過 custom check....) 當時我又未收到張 express lane....同埋媽媽問得我拎, 我已經好肯定呢位乘客應該係"非一般客人", 加上佢既態度又再一次唔好, 萬事都要小心處理.... 我說我要去double check 下先,因為我暫時未有張express lane form 係手....然後就返到galley 拎張 pax list check... 最後check 到佢唔係鑽石會員, 不過就係one world 最尊貴既會員....anyway, 請示左阿姐後, 我俾左張express lane form 俾佢...

機門關後, 我好成功幫媽媽block 左係佢前面個行其中兩個位....於是媽媽就坐係那block 左既兩個位, 而佢對仔女就坐係媽媽後面個行(即係佢地原先既座位), 到我做pre-take off check 時, 仔仔訓左係兩個座位上, 因而其中一個armrest 被提高了, 但因為 safety reasons, 所有armrest 係起飛降落時都要放返低....於是我就同媽媽講返個情況, 麻煩佢幫手抱起佢個仔, 放返個armrest 落黎....點知媽媽說: "u do it...i m not going to do this anymore! i don't think there's a problem..."態度極之惡劣...... 我只好回到galley 問問阿姐意見....結果阿姐同我一齊抱起佢個仔少少, 放返個armrest 落黎......好彩佢個仔冇喊....唔係可能我地又要捱鬧......

出奇地....到我做2nd service 時....媽媽折住我, 同我say sorry.....意思大慨係佢一早起身心情唔好..blahblahblah.....聽到佢句sorry, 我覺得好意外....試問幾時會有乘客同我地發完惡一大輪會識得同我地講"sorry" 呢個字呢? 所以我都對佢微笑說...唔緊要, 我明白的........試諗下, 個仔都成6,7歲大, 仲要人抱, 又要睇住個女, 又要拎行李, 我諗俾著我, 我都會發癲.....