小孤菇長空中往返: 都是我的錯? (下)

2008.01.29 to 02.01

第 321 次飛行

由於 full load + 惡姐 + 一班教極都唔聽的同胞+ 未停過的 duty free order...我真係做到心力交瘁..點知係我最忙的時候, 仲有個男人入黎galley 同我吹水....

當時我係度賣緊 duty free...他說: " hi! i m the captain of jumbo!",

我心諗, 你係captain, 關我乜事? 但禮貌上我都有同佢笑一笑既...

之後我第2 次返入galley, 再執d duty free items時, 佢又說: " hi! i m the captain of jumbo!!!"

我真係冇時間同佢吹水啦...只說: "nice to meet you..."

後來佢覺得無癮, 自己走左...

搞掂哂d 野後, 以為所有事都告一後落, 呢個時候 call light 一叮, 我去應....

當時個男人手上抱住個bb, 我問有乜野幫到佢, 佢就話我地冇幫佢set 嬰兒床...搞到佢抱個bb 抱到而家....其實那個zone 不是我的...加上個bb 都好大份...所以我完全唔知發生乜野事...我淨係知道, 我一應call light, 俾個客噴到一面屁, 見狀, 立即去set 番張嬰兒床俾佢, 同埋同個客傾多兩句再加最重要個句sorry....好彩個客俾我講兩講條氣順哂, 唔係都唔知點收科...

事後待那兩位同事休完息回galley, 我有同佢地講返呢件事...因為兩位都好新...可能佢地真係唔知...不過我有時覺得, 冇幫佢地set 嬰兒床, 我地係唔o岩...但如果佢真係咁想要張床, 點解唔一早問我地, 而要等咁多個鐘頭後先問呢?

阿姐休息完後, 脾氣好左好多, 對我地都好左好多....見佢心情好左, 我先夠膽再同佢講野...

直到降落前, 一切都好順利....點知做pre landing check 時....

頭先叫我set 嬰兒床的男人, 放左一個meal tray ( child meal), 同埋幾個袋係走廊上...咁我地梗係同佢講要收佢個meal tray 啦...點知佢地成家人話要拎埋落機食....

我地話唔得, 之後佢地就嘈, 話一陣個仔冇野食...我心諗, 俾9 個鐘頭你個仔食個餐...你個仔醒左都唔食....唔好怪我地....由於佢地的目的地係去melbourne, 我就同佢地講下一程都仲有餐食...唔需要擔心...之後佢地連所有行李都唔肯放係行李櫃內....我又唔明白, 對面兩位同事應該見到, 但冇一個有意思叫佢地放番d 行李上去囉...最後又係自己一腳踢...

最好笑係事後有位同事同我講, 呢家人要求拎埋機上張嬰兒床落機!

搞完一單, 又有另一單, 有個小朋友而都要媽媽抱, 唔肯坐自己位...我好想夾硬將個小朋友放番佢的座位上, 但阿姐叫我唔好, 事後回galley, 阿姐原來一早同左老總講, 但老總話由得佢地喎, 阿姐說, 既然老總都唔幫我地, 我地都唔好做咁多野...總之我地將件事report 俾老總知就可以了....

後來阿姐開始成日同我吹水...聽完佢咁講, 我開始明白點解阿姐起初心情咁差...老總又唔幫crew, 又俾壓力阿姐....阿姐唔開心....
終於到左adelaide...我好開心送走那一團 25人的同胞...同埋那死都要keep 住個meal tray的一家人...我又再一次以為事件告一段落...點知...

我去拎check in bag 時, 阿姐走黎問我: "did you stow a violin for the pax?", 我一聽到violin 係樂器, 而我真係有幫個客放左件樂器去business class 同 economy class中間的 cloakroom...所以我就說了 yes...之後阿姐說: "ism gives you a suggestion, next time, if you stow sth for pax, pls ask him to follow you, so he knows where you stow.." (應該有客落機前問佢的 violin 放左係邊, 但又冇人知囉!) 我聽完, 反應好大...說: " i did ask the pax to follow me, and let him see where i stow his instrument...and before landing, i remind him once again the stowage and he nodded!" 阿姐聽完就說: " oh...then it's ok...", 我以為係自己做錯, 說sorry...阿姐說: " u have done your job well, so no need to say sorry..." 之後我地步行上車...去酒店...而阿姐應該同老總講番件事, 點知老總說拎 violin 的係 "女" 既...唔係 "男"...那一刻, 我真係想跳車死左去算啦....

由於我相信自己一定係食左隻死貓, 所以我一定要去搵個真相出黎...自己個心先安落....於是我分別問左兩位同事...有位同事係business class 工作, 佢話見到我個zone 個客自己拎走左件樂器....咁即係不是我的錯啦! 同埋多得呢位同事, 令我記得番我幫個客放既, 根本唔係violin, 而係結他...

之後我sight seeing 時, 再問另一位同事...她說有幫兩個女仔stow violin....但佢話佢地兩位應該知放左係邊...我聽完, 我心諗原來我係幫佢食左隻死貓....其實係有d唔開心架, set 嬰兒床我又幫佢死左, pre landing check, 我又幫佢地食左...而家呢單又食埋...唉.........

不過我冇怪佢地, 只怪自己黑仔....而最後, 我梗係同阿姐證明自己的清白, 不過我當然沒有說當事人是誰吧....