掛名五姐

2008.02.25 to 28

第 325 次飛行

今日返到公司, 去 office 抄低組員名單時, 見到多了一位同級同事, 那位同事仲要本來去新加坡的, 俾公司臨時拉左去做我班機....但紅姐依然少了一個....

係我抄緊名的時候, 就聽到隔離有一位男同事, 老總, 同briefing office 內的職員傾緊d 野, 大慨係男同事忽然俾公司調左做我個班auckland 機, 冇衫著, 要去東涌問朋友借衫...問趕唔趕得切, 老總說唔洗佢briefing, 總之take off 前上到飛機就得啦....之後位男同事就走左, 然後 briefing office 內的職員就問老總: " 咁你打算邊個做fp (即係紅姐)? ", 老總說: "孤菇啦....佢最senior, 就佢啦...", 職員說: " ok, 等我寫返低先....", 我第一個反應係: " 那個是我喎!", 老總說: " 係你呀, 你得唔得呀?", 孤菇梗係話得啦....唔通可以話唔得咩?  自問一直都無乜信心的我, 真係驚驚地架!

就係咁...本來諗住好開心係business class 做既我, 忽然去返 economy class...

終於係 briefing room, 老總assign postion: " 孤菇will be fp 5", 係一眾奇異的眼光下, 展開做掛名五姐的序幕....

第一次遇到呢d 情況, 仲要係 長途機, 感覺總係怪怪地.....同埋好唔習慣...

首先就係同事每check 完 equipment, tv 同 security 都同我report...係呢度, 發生左段小插曲, 話說那位男同事終於上到機....佢與我係同一galley...所以佢check 完 equipment 要同我report...咁我見佢走黎走去, 我就友善地問佢check 左equipment 未, 佢話: " check左啦, 但阿姐去左邊?", 面對佢呢個問題, 那刻真係覺得好鬼難答....但我都答左: " 今日我被upgrade 左到 fp 5...", 男同事說: " 啊! 唔怪得搵極都搵唔到..." 大家講到呢度, 都忍唔住大笑左好耐.....

第二, 要 check 餐, 阿哥教左我點check, 同埋阿哥會同我double check...

第三, 雖然俾人upgrade 左者....但我都會做番平時我做small potato 要做的事架! 即係準備一陣inflight 要用的東西...

第四, take off 後 heat 餐, 呢個阿哥幫我做左, 但點知老總落黎睇, 唔鍾意個種 heat 法, 最後老總改左佢自己的heat 法.....仲好用心咁教我點 heat 餐....

第五, 唔洗出cart 派餐, 對少左客, 幫同事 repenlish...

第六, 同事差唔多派哂餐, 我就開始去茶, 咖啡...等等....

第七, 仲有自己的 galley, 起飛降落都要check 得好清楚....
不過我覺得最困難既, 就係要同級同事做某d 野的時候, 又唔知點開口, 又怕自己說得不好...
做完第一個service, 先知道business class 有個麻煩客, 所以某程度上, 我都算幾幸運啊! 那個鬼婆, 話我地 discriminate 佢...咁我地一向做service 都係由後面開始先, 而上返前面galley, 而佢座位係尾二, 咁都叫 discriminate 佢? 之後仲有好多野佢都睇唔順眼, 最後搞到我地無論去 business class 拎d 乜野, 都唔可以經過佢座位那邊走廊.... 呢d 人, 真係小心下半世有報應...
回程, 大致上都順利...除左有位鬼佬飲左好多酒, 仲竟然飲完之後去左食藥! 俾老總 b 左一輪, 隔左一陣, 佢話要 complain 我地 pick up 佢! 最後老總話如果佢仲要飲, 就唔會俾佢connect flight 去london! 呢位人兄, 最後去到香港, 俾ground staff 接見....
隨著航機順利回港, 我的掛名五姐都做到尾聲...
成班同事都好好人( 尤其是老總, 真係好幫得手), 但佢地成日整估我...叫我五姐前, 五姐後, 老總都玩埋一份, 話說我問佢幾點開始service, 老總竟然反問我: "你係五姐, 梗係你決定啦, 我都係聽你講咋....", 仲要奸笑...激死... 佢仲叫我唔好咁勤力去business class 幫手, 因為今次我係冇分計..哈哈哈哈!
落左機, 有同事都有走黎同我講: " 如果我班班機的阿姐都好似你咁nice 就好啦...", 那一刻, 是高興的...

雖然今次被upgrade 左, 唔洗計cpp, 但正如一位阿姐朋友所講, 這是一次好好的經驗, 因為就算第日升左, 都唔會有呢d 實習又唔洗計分的機會啊!

不過我最期待既, 就係想知upgrade 左會多左幾多人工...呵呵!