2008.02.12 to 14
第 323 次飛行
係standby 的前一晚, 又完全訓唔到...十分痛苦...
眼光光望住個天花板望到早上 7 點, 決定睇下公司有冇俾 acknowledgement...一check, 竟然有...太好了...諗左一陣, 就ac 左...俾左 3日 Bahrain...check 完, 我再訓番...但都係訓唔到....最後, 大約差唔多 10 點先訓到, 可惜 11 點就要起身準備了...即係訓左一個鐘咁多...嗚.... 幸好我去的是巴林...如果我去的是 new york...我諗我未去到, 已經係機艙裡昏迷不醒...
我如常坐巴士返工...因為太眼訓, 我訓左...隔左唔知幾耐...我感覺到有人指我膊頭, 我神志都未清醒, 女乘客對我說: " 小姐, 你坐過左站呀!", 我好感謝呢位好乘客同孤菇講坐過左站...而趕得切係機場坐番公司車回公司....否則, 我坐到總站博覽會站...我真係唔知坐番乜野車回公司....
一落車, 我第一時間打左俾位朋友...問佢究竟公司車係邊度坐...自從公司車個站轉左之後, 我未坐過...加上又未訓醒, 最好都係問人好d...好彩都唔係太難搵, 同埋d 指示唔錯...仲要一上到車就開車....好彩今日早左出門口, 唔係可能遲到...
本來今次係賣bar 的...但老總check 唔到 position, 問我地check 到乜...而我真係好累..唔想賣, 結果我變左係 business class 做....也好, 起碼唔full 先....老實講, 巴林機, 我還是喜歡係 business class 工作多d...
去個程得20 幾個客...仲要好多日本人...日本人有樣好, 就係食完就訓, 唔會再打搞我地....反而當地人, 飲完呢樣就飲個樣...幸好呢d 只係少數....
期間仲有位客人叫我拎行李, 幸好不是太重.... 還有客人叫我地洗衫, 因為bb 嘔到佢成件衫都係...結果同事e 係咁沖水沖水...幸好不是太難洗....之後我地將件衫夜係chiller 風口位吹呀吹, 吹呀吹....係降落前...乾哂...
到左巴林已經係夜晚....那刻真係好累...食左d 野就立即訓...
第2 天, 約左同galley 的同事e去左附近的 crystal restaurant lunch...佢食羊, 我唔好羊, 所以食雞...但份量太大, especially 個飯, 結果孤菇食唔哂, 打包上飛機叮黎食....
回程的客比去個程還少, business class 仲有兩位 VIP 王子...其他的, 絕大部分都係日本人...同少量鬼佬...
話說boarding, 我去 pre take off drink 時...日本人a 拎左杯水, 未飲, 呢個時候, 日本人b 就指住杯水問我係乜野黎, 我說: " this is water", 日本人b 立即取了隔離杯 橙汁....日本人a 一聽到我答water...立即放低佢原先拎左個杯水, 拎番杯橙汁....我諗左一陣, 我估到佢地個心諗乜... 我微笑說: " this is not SAKE..." 兩位日本人聽完係咁笑笑笑...
有時日本人都有佢地可愛的一面...
有時日本人都有佢地可愛的一面...
就咁飛一飛, 3 日過得好快...重點係....公司俾一俾班機我, 我返左 3 日工, 有 3 日假跟住放, 咁就輕鬆地過左一個星期standby, 但仲有一星期啊! 唔知公司會俾乜野機我呢? 
p.s 係我打緊呢篇blog 的前兩天, 我已經又收到公司俾我的 acknowledgement 了...明天出發...大家今次又估下我去邊? (等我去完返黎同大家開估..)
No comments:
Post a Comment