Rangitoto Island
2008.02.27
今次黎到 Auckland, 我同自己講, 一定要出去走走, 唔可以好似上次去Adelaide 咁頹廢....
香港仲係好凍, 但黎到呢度, 溫暖中帶點清風, 感覺好爽...
來到Auckland 第2 日, 就與同事v 打算去由火山形成的 Rangitoto Island...一日只有兩班船去, 分別係9 : 15, 12:15, 如果係12月至 4 月尾,會多班 10:00...而我地就坐左 9:15 的船...
出發啦!
由於唔係直航, 所以要經一經devonport 先到Rangitoto Island...大慨 25分鐘就到....
島上最大的特色就係...乜都冇....冇小食店, 冇屋, 冇人住, 所以黎之前, 記得買水, 同埋自己帶野食黎...如果唔係, 呢個旅程真係幾辛苦下, 因為我帶黎的 500 ml 水, 完全唔夠我飲....
這個島上, 幾乎所有石都好黑, 係溶岩形成的...好似下圖咁....因為唔實的關係, 所以上斜時, 要小心d 石鬆, 跌落黎....
因為我冇行開山, 加上著錯鞋, 所以行得好吃力, 不過唔止我一個, 其他人都係一樣...最估唔到, 連婆婆都有行山...勁! 
行左 45 分鐘, 終於見到下圖的火山口, 但因為已經過左成600 年, 所以已經生左d 樹樹木木...( 暗位就係火山口...)
再行多10 分鐘...
終於用左一個鐘頭, 就到火山的最頂點, 有成259M 高架! 上到頂, 見到個景, 忍唔住嘩左一聲...
係summit 上, 見到auckland 全景... 見到咁靚的景, 行得咁辛苦係值得既....
之後我地就落山, 落左1/4 , 我地就行左另一邊, 去睇 Lava Cave....我地仲以為好多野睇, 點知乜都冇....同事v 仲話要行入去...我就勸佢唔好啦, 廢事一陣有乜野事, 都唔知搵邊個幫手好....
呢個時候, 已經12 點了...我地預番 45 分鐘行返落山, 趕12: 45 的回程船, 因為回程只得12:45 同3:30 的船, 如果趕唔到 12:45, 要等多兩個半鐘, 好悶架, 亦因為我地第一次黎, 所以揀左9:15 船黎, 廢事一陣 12 點幾黎, 一陣趕唔到 3: 30 就唔知點算啦!
落山的時候...先發覺上山的時候, 背後的景色有幾靚....
離開的時候, 又係會經一經devonnport...
終於回到 downtown, 第一時間去左醫肚, 上次係費迪的blog 見佢介紹Ariake Japanese Restaurant, 決定一試....雖然好貴, 成$29 一個set, 但真係好好味!
行左咁多路, 已經好累, 最慘係當我見到上酒店個條斜路, 諗起又要行斜路...就...
下面的石頭飯係唔係好吸引呢! 係我個晚既dinner 黎架, 雖然我真係好憎行酒店出面個條斜路, 但唔行, 又點搵到地方食野呀?! 呢個石頭飯只係 $10, 平過我的 lunch 多多聲! 哈哈!
因為blog 的位置有限, 所以其他相片又要去返我的 photo album 啦! http://www.flickr.com/photos/92347866@N00/sets/72157604012059525/ 
休息左一日, 一陣又要返工啦, 好耐冇做過早機, 我怕我未上機已經昏睡左....
今晚有d 唔開心呀, 可能因為唔想一陣返工啦....
No comments:
Post a Comment