小孤菇長空中往返: 毒氣航機

2008.02.18 to 21

第 324 次飛行

standby 的第2 班機, 係被call 左去adelaide....

"o下! 又係 adelaide?".,無錯! 一係幾年冇去...一係差唔多一個月一次咁濟....

話雖如此, 但確實, 我又唔係咁討厭呢個地方....但就係悶左d...

這次boarding 的時候, 冇再發生crew rest 俾乘客坐左的事件...因為上次的經驗, 我今次帶位的時候, 都要拎開佢地的手指, 睇睇佢地有冇俾錯 boarding pass 我...哈哈哈哈!

總算順利, 不過因為 full load 的關係, 行李出現唔夠位放的情況....只感到到我左手又再一次隱隱作痛....

做完第一個service...行緊duty free 時, 我聞到一陣臭味係某個zone 出現....一聞就知腳臭味....我唔係歧視同胞....但班機上, 那個zone, 有差唔多 80 % 都係佢地, 通常有佢地係度, 好多時都會發生臭腳事件....但這次, 呢種味, 連平時好忍得既我, 都頂唔順.....我一邊行, 一邊就見到佢地伸哂d 腳出黎條走廊....避到既話我就梗係繞過啦, 但....有時無可避免, 我雙腳就會唔小心親吻佢地伸出黎的腳....嗚........那一刻, 自己都好想快d 去酒店洗腳....

眾同事都聞到, 有同事就噴了那個zone, 其實我覺得, 唔噴仲好...因為一噴, 香得個一陣, 之後又臭番, 亦因為自己個鼻o岩o岩先聞完香味, 換言之, 再聞到腳臭時, 只會覺得更臭, 更想作嘔....

因為飛往 adelaide 都要8個半小時, 經過幾小時後, 整個economy class 都飄著一陣臭腳味...就這樣...我們終於捱過了, 到了adelaide...

一到左機場, 阿姐第一句立即話: " finally...we have some fresh air!"

本來想同架妹去 beach 的, 但因為我訓過龍, 所以最後係爽約...更加不幸的時, 我臨起程回港前, 竟然肚痾!

很奇怪就係, 我竟然唔覺得肚痛, 後來我覺得自己都ok, 所以照起程回港....

回程, 得130 個客...但並不代表我地好得閒....當第一group 去左rest, 只得我同架妹on duty時, 我地幾乎俾d call light 玩死...有個女人, 係5 分鐘press 3 次call light, 佢仲要坐到老遠的....第一次, 叫我將幾件 duty free items 加埋要激紙幾多....我計完, 返去同佢講, 佢就話唔要那幾件items, that's ok...問佢有冇其他需要, 佢又冇, 點知我一返 galley, "叮", 又係佢, 佢話要杯水....我再返galley, 拎俾佢...問佢有冇需要其他野, 佢又話冇, 點知我一回galley, "叮", 又係佢, 今次佢問duty free某一盒手飾要幾多英鎊....唉....那一刻我真係有d 氣....

因為當時係day flight, 所以call light 都比較多, 而又唔止佢一個"叮", 所以真係玩到我同阿架妹死死下, 搞到我地去水又去唔到, check washroom 又check 唔到...當我地應哂d call light 後, 架姐講左個驚人的消息我聽, 就係有個小朋友嘔到某個洗手間出面都係....

起初我以為係洗手間入面, 諗住block 左就算, 點知係出面....我有諗過用blanket 蓋住, 但諗諗下, 又怕d 客行行下kick 到, 一陣跌低仲大鑊, 架姐仲問我點算好....我只好說拎機上的" heavy duty kit" 搞掂去...做咁多年, 第一次用, 我都算好彩囉...哈哈! 一打開, 我地就研究下裡面有d 乜....我地兩個都好奇...哈哈! 之後就去收拾殘局, 幸好, 陣味唔係太勁, 同埋已經乾左....點解會乾得咁快? 因為那位小朋友的爸爸冇同我地講佢個仔嘔左落地囉! 仲要當冇事發生...好過分....