小孤菇長空中往返: 都是我的錯? (上)

2008.01.29 to 02.01

第 321 次飛行

這次的老總係一位我好唔鍾意的 "SA WA DEE" 老總, 唔鍾意佢的原因, 係因為兩年半年的"性騷擾" 事件.....及前幾個月的 "ptv" 事件....(我之前都略略提過下) 我很遲先知佢swap in 左呢班機, 要swap 走已經黎唔切, 有時d 野就係咁, 越唔想發生, 就越係要發生...

老總的 briefing 後, 阿姐會同我地做一個小briefng...今次我要跟既係一位印度姐...我好記得佢係briefing 時, 好emphasis 係 good attitude 上面...點知上到機... 我明白到點解佢要咁講...

今次呢架機上面係冇crew rest area, 即係跟住個8,9 個鐘, 我地應該冇得休息...但好好彩, 雖然係full load, 但老總最後叫我地block 左67-69 行H, K, 共6 個位...用作crew rest...我地block 左d 位, 就開始上客...我帶帶下位, 發覺有兩位客人分別坐 67 H 同埋 68 H....當時兩位客只係俾我睇個seat number, 隻手指又遮左個地方名, 我知道佢地兩個位本身應該係 crew seat 時, 因為以前呢d 事都發生過, 本來係block 左seat for crew rest 但最後都因d 客係咁嘈而release 埋出黎...所以我冇醒起要double check 對方張boarding pass 的目的地, 我就去左同阿姐講...阿姐叫我快d 同老總講, 於是我行去頭等通知老總...就係我通知後返去機尾呢個時段, 老總打左電話去俾阿姐....我回到機尾, 阿姐問我頭先同老總講左d 乜, 咁我都照實講有兩個crew seat 位俾客occupy 左...而呢段時間, 仲有其他客上機, 所以我回到機尾時, 另外4 個crew rest seat 都已經俾客 occupy 埋...阿姐梗係怪我點解冇同老總講清楚啦! 我心諗: 我去同老總講的時候, 真係只得兩位乘客 occupy crew rest seat 咋麻! 我唔通吹大去咩?! 之後阿姐走左上去同老總講多次...而呢個時候, 我都打算去機頭拎 arrival form 派俾客人...順便聽下阿姐同老總的對話, 老總係咁話冇可能...再問ground staff 發生乜野事, 而阿姐就攬哂上身話去 double check...我同阿姐再回到機尾..再同阿姐講不如我幫d 客check 多次boarding pass...點知阿姐話佢自己搞掂...叫我做其他野, 咁你咁講到, 我梗係做其他野...到差唔多到safety demo 播的時候, 阿姐發覺佢地6 個人的 boading pass梗係係錯既, 但又reseat 佢地唔切, 就cabin 大聲向我發脾氣啦, 說: " you should assist the pax!", 大佬! 又係你話唔洗我幫...我終於搞掂好哂..回到galley, 話哂一日都係我冇check 清楚 boarding pass 所以發生呢件事, 所以我立即同阿姐講sorry...點知我一講sorry, 佢就好惡咁鬧: "you are not proactive...you cannot expect me doing all the things alone!", 我最記得都係呢兩句...那一刻, 我真係俾佢鬧到一文不直...我承認自己有d 地方做得唔好, 但你都唔洗咁鬧法....我又唔明, 呢程機會去兩個地方, 第一站係去adelaide, 第二站係 melbourne, 如果兩程佢地都係坐唔同位, 應該佢兩張 boarding pass clip 埋一齊, 但以上的6 位乘客都冇囉....唉, 我個心好脆弱...俾佢鬧一鬧, 雖然我冇喊出黎, 但個心流著淚....

因為我辣著左阿姐, 搞到後來galley 內的3 人分別都俾佢話, 我終於明白點解阿姐係 briefing 時說要有 good attitude, 因為係佢脾氣唔好, 佢鬧我地的時候, 提我地仲要對佢good attitude 囉...

之後的 service, 我覺得佢都睇我唔順眼...好似兩位同事係度放 main course 入個food cart 時, 我平時都會拎個blue drawer set 個cart top...咁咁o岩我放左 blue drawer 的地方, 俾架妹個foodcart 頂住左, 搞到我開唔到門拎兩個blue drawer...咁人地放緊 main course, 我又唔好意思叫人地俾個位我去拎兩個blue drawer 麻, 於是我就幫同事遞 main course...點知又俾阿姐話: "xxx, pls set the blue drawer!" 我都廢事同佢講野, 但我自己同自己講: " the blue drawers are inside this cart", 我估阿姐應該聽到我講...因為第2 個service, 佢叫左架姐將個cart 泊係galley 出面做preset main course....

做完 service, 我地都會clear 哂galley 上的東西...咁我見到咁多個blue drawer 放係galley top 上, 下意識就梗係將d blue drawer 放番哂入個cart 度啦, 點知又俾佢話: "xxx. pls clear the galley top first!" 我心諗, 我而家放番d blue drawer 入去, 即係clear 緊個galley top 囉! 但我當然冇同佢咁講啦!

其實阿姐惡死都算, 但d 客又唔聽話...搞到我真係好嬲! 最不幸就係機尾坐左一團 25 人的同胞, 我派完餐俾佢地, 行過都冇兩行, 佢地已經要第2,3,4,5 杯drink...好似飲極都未完, 試完橙汁, 就蘋果汁, 再試紅酒, 白酒...做到我黑哂面...

後來佢地仲成日坐左我地block 左的crew rest seat上...我就好似隻牧羊狗趕羊咁, 趕番佢地回原本的座位...佢地問我點解唔坐得...我說: "這是我們休息的地方!" 點知過左一陣, 佢地又坐番去crew rest seat, 又俾我教訓佢地一輪, 佢地又問我點解, 我又講多次, 最後我忍唔住同佢地講: "你們要休息的地方, 我們也要! 那是我們休息的地方...", 佢地先冇再坐係個度, 點知有個男人勁衰, 拎哂我地座位上的枕頭, 毛毯...仲將佢睇完的報紙放係我地的座位上, 我見狀, 趁佢唔係度, 將d 報紙丟返係佢的座位上!