2008.05.31 to 06.01
第 343 次飛行
今次飛左班幾開心既 flight!
雖然4 程機, 有3 程都係full 左, 但有一班好好玩既同事, 所以完全不成問題....
當中都發生左d 幾得意既事, 有好幾位同事我都飛過, 一入 briefing room, 同事J 問我: " 你做y3 呀?" , 我說: " 唔係呀, 我冇跑數啦...", 其實呢個問題近排好多同我飛過既同事都有問我, 因為個個都覺得好出奇點解我忽然唔再跑數....我略略說了箇中原因, 帶過就算了....上到機, 今次賣bar 既同事又問我點解唔跑數, 那時我先知道....原來連佢以前都有留意我每一季的排名....(真係有d 恐怖, 因為我係第一次同佢飛..haha), 真係估唔到咁多人都知....
另外, 我見到一位男同事, 一見到佢覺得好熟面口, 但梗係記唔起幾時見過佢, 到上左機, 我忽然記得啦, 應該係差唔多兩年前係南非見過佢, 因為那時我以為 "側田" 去左南非....佢又係衰既, 個次係南非戴 cap 帽, 加上個樣又似側田, 搞到我以為側田去左南非.....哈哈哈哈!
而佢以為 "葉璇" 去左南非, 因為我個樣似佢...
後來我地兩個先發現大家都係同事, 但就係前後腳去南非, 而那時我班機有位同事識呢位"側田", 所以後來我地仲一齊出去玩添....我地都係上左機後先記得呢件事, 相認番, 仲笑左好耐....哈哈! 其後...我地發覺對面aisle 做野既其中一位男同事好似"洪天明".....wahahhahahah!!!
有位阿姐仲特登走去galley 過佢似....笑死大家....
我地開玩笑..講開徐子淇, 貌似洪天明既同事說:" 哈! 李嘉誠都係執我二攤咋!" 搞到全場又一陣爆笑...
講開明星, 最後一程台北去香港, 徐若暄係我地班機上面, 同事都紛紛走去睇下佢既蘆山真面目...同事仲俾個duty order 我去deliver 俾佢身邊既助手....yeah!!!!
點知見到之後, 有d 失望囉....
佢個樣真係好細個, 但d 皮膚真係俾biotherm 既廣告扼左我....嗚.....
睇黎, 佢真係需要用多d biotherm 啦....
我同幾位同事都覺得佢隔離既助手仲好樣過佢...
不過佢冇架子, 唔cool, 好nice...好好人...
但當中又有好笑野發生....話說回到香港, 我地咁o岩又與徐小姐同一架無人駕駛車卡裡, 雖然佢戴左cap 帽, 但我地當然認得佢啦....哈哈! 我地幾位同事就企係佢前面傾計, 點知傾傾下, 有位男同事問我: "徐若暄其實出名d 乜野?", 佢仲要問得幾大聲下, 我地另外3 位同事都唔知點俾反應佢, 因為佢呢條問題, 我地3 個都唔識俾答案佢.....哈哈!
最後我答左: "歌影視都有...", 點知佢仲問: " 咁佢有d 乜野歌係出名?" , 佢一問, 我地3 位又係答唔到....
我說: " 乜你問d 問題咁鬼難答架?"
最後有位女同事答了一套電影的名字, 我都聽過下...但我地發覺個套野好似有d 三級.....
之後, 我地4 個真係好鬼死想笑出黎....但又唔敢....
最後無人駕駛既門一開, 我地4 個有咁快得咁快走....(真係未死過咩, 係明星面前, 我地仲咁公然講佢既野....)....哈哈!
今次去到大阪收獲好豐富....首先我同6 月姐姐分左"去食 sushi 團"同 "豬扒飯團."...哈哈! 最後有3 位同事跟左我去 "豬扒" 一番...哈哈!
雖然今次食唔到最想食既餐, 但另一隻款都好好食喎....本來想影下相俾大家睇, 但我今次又唔記得帶相機....
到今早, 未訓醒既我, 竟然睇錯時間, 早左wake up call 成個鐘起身, 仲check out 埋....
既然都check out 左, 冇辦法係自己間房等多一個鐘....我只好慢慢行去 機場行街街...原本預左45 分鐘行街街既, 而家忽然再多左成個鐘, 即係total 成個半鐘行街街....o岩o岩上個wk 先黎過, 邊有咁多野行....
最後, 我拖慢黎行...買左幾款 hello kitty 電話繩俾表妹做紀念品...買左化妝品...係便利店又買左d 食野....同埋近排好鍾意食既芝士條....最貴既, 應該係買左神戶牛柳....哈哈! 好耐冇買啦, 今次買, 好想再一次同家人分享....
其實仲想買一件手信俾一位朋友既, 但我始終都係揀唔到....
越行, 個袋就越重, 最後我都頂唔順, 早左成45 分鐘上機做下野好過....
今次....真係好揮霍, 但我覺得係值得既.....
不過, 一諗起呢個月中第一次正式去日本玩, 真係有d 擔心會洗好多錢....
辛苦了兩日, 又返到香港....但一回到香港, 心情又變得不是太好, 有d 苦惱..ai..........................
而佢以為 "葉璇" 去左南非, 因為我個樣似佢...
講開明星, 最後一程台北去香港, 徐若暄係我地班機上面, 同事都紛紛走去睇下佢既蘆山真面目...同事仲俾個duty order 我去deliver 俾佢身邊既助手....yeah!!!!
但當中又有好笑野發生....話說回到香港, 我地咁o岩又與徐小姐同一架無人駕駛車卡裡, 雖然佢戴左cap 帽, 但我地當然認得佢啦....哈哈! 我地幾位同事就企係佢前面傾計, 點知傾傾下, 有位男同事問我: "徐若暄其實出名d 乜野?", 佢仲要問得幾大聲下, 我地另外3 位同事都唔知點俾反應佢, 因為佢呢條問題, 我地3 個都唔識俾答案佢.....哈哈!
今次去到大阪收獲好豐富....首先我同6 月姐姐分左"去食 sushi 團"同 "豬扒飯團."...哈哈! 最後有3 位同事跟左我去 "豬扒" 一番...哈哈!
雖然今次食唔到最想食既餐, 但另一隻款都好好食喎....本來想影下相俾大家睇, 但我今次又唔記得帶相機....
到今早, 未訓醒既我, 竟然睇錯時間, 早左wake up call 成個鐘起身, 仲check out 埋....
既然都check out 左, 冇辦法係自己間房等多一個鐘....我只好慢慢行去 機場行街街...原本預左45 分鐘行街街既, 而家忽然再多左成個鐘, 即係total 成個半鐘行街街....o岩o岩上個wk 先黎過, 邊有咁多野行....
其實仲想買一件手信俾一位朋友既, 但我始終都係揀唔到....
辛苦了兩日, 又返到香港....但一回到香港, 心情又變得不是太好, 有d 苦惱..ai..........................
明天又要飛啦, 今次將會係.....3 day...Bangkok, 第一次做3 day Bangkok...可以去那邊好好休息一下了...
No comments:
Post a Comment