善變

2008.08.09 to 13

第 358 次飛行

今次飛...同top 10 飛....其實佢已經好左好多...但女人真係善變既....

去個程 full load, 但大家都相安無事....

但回程, 唔知係唔係同事講既原因: "佢已經再唔需要我地同佢sightseeing....", 所以一反常態....變得好煩.....

回程, 佢同我2 man cart, 幫我做drink, 其實咁唔係問題, 但我總是不明白, 點解佢係都要我問d 客飲乜, 佢自己又唔去問囉....因為d 客成日以為我問完, 就俾drink 佢地, 但事實係老總俾drink, 我繼續派main course...搞到d 客成日叫住我, 結果又要我哂d 時間去解釋....唉.....

話說有個客要whisky with sprite...咁我同老總講啦, 點知佢同個客講而家serve 緊 breakfast, 一陣先俾佢地.....之後返到galley, 就同我講, 一定要我做哂 tea 同 coffee, 做埋 collection, 先可以俾 whisky with sprite 佢地... 其實回程得141 個客咁既loading, 做乜搞到咁麻煩喎? 個客想要地俾佢囉.....又要我記this and that.....

又點左去俾ice cream 俾某兩個女pax, 但又冇講第幾行....最慘我係佢講既位置完全搵唔到兩位女pax....我同阿哥求救....阿哥由於都俾老總搞到慶慶地....同我講: " 俾番佢自己搞!!!"

總之, 第一個service, 搞到我好不愉快.......

之後第一group 同事去左休息, 得我一個當值....我最得閒時, 佢就走落黎叫我去 snacks.....點知開始有好多杯麵 order 時, 我係成個economy class都唔見佢既蹤影...

到第2 個service....同黎個程一樣, 都係唔見左佢既蹤影....因為佢已經去左訓覺.....zzzzz.....
不過佢既惡行, 回程先多d 同事知道....而我係黎個程已經知道....點解?

1. 成個2 nd service 唔見左佢...

2. 話說有位新人休息完, 返左黎冇耐, 發覺自己有d 野留左係下面 crew bunk, 所以落番去拎, 當時2 nd service 應該開始, suppose 係冇人係下面休息的, 但新人上到黎問我: "點解下面有人訓緊既?", 我問佢係邊個bunk, 佢一講完, 我就知係老總囉.....不過我梗係唔出聲....(當時我仲未100 % 肯定)

3. 話說2 nd service 完, 紫姐落黎拎crew meal...咁business class 有3 位同事, 加埋老總就4 個人, 但紫姐成日話3 個main course 就夠...咁我問: " 老總呢?", 我見到佢既眼神有d 怪....佢話佢唔洗食....我都估到有d 野....
所以回程, 因為我同前面 business class 紅姐好好傾, 我八掛問下佢...佢話: " yes lor....sp told me not to tell anybody....since she goes to rest earlier, she will come back earlier...."
阿哥知道後, 好嬲.....(因為inflight 老總同阿哥又有點過節), 係咁講老總同紫姐的不是....(因為兩位都係印度人....), 唉....蛇鼠一窩.....
至於點解我地都唔鍾意紫姐....下回分解.....
今次係我第3 次同呢位老總飛, 但我依然唔覺得佢好.....仲更加覺得佢出面一個樣, 內裡又一個樣.....
同埋呢幾班機, 令我越來越討厭印度同事們......
雖然有呢兩位不喜歡的人, 但成班機係愉快的, 因為仲有一班好好的同事, 有我既朋友, 仲有好好人既阿哥阿姐.....
至於今次我去左邊? 大家估下啦......

俾個tips....那個地方近排成日俾火山灰影響到, 所以回程d 機成日delay, 我個日就delay 左成6 個鐘........