兩星期曼谷機 (上)

2008.10.24 to 27

第 372 次飛行

不是去曼谷玩, 而係公幹要去曼谷!!!!

本來唔係咁....原來係roster 我連飛4 日, 仲要有兩班機係 turnaround, 見到個roster 咁密, 係揀到冇得揀的情況下, 換了這班 香港 - 曼谷 - 卡拉奇 - 曼谷 - 香港 黎做...一個sector 一個service, 總好過原本4 日內要做6 個service, 仲要未計兩個a-cart service (即係 pre meal drink service<--- 做咁多年就討厭做這個service 咁多年....)

加上又有少量allowance, 所以都叫係有著數....

更加開心既係, 4 個sector 都唔full, 尤其是business class, 4 程機, 第一程7 個客(仲要得3 個食野), 第二,三程都係得15 個客左右, 最後個程就多d, 但都係得around 20 個客, 今次係 business class 工作既我, 真係拎到個好位...呵呵......

不過當然要去economy class 幫下手吧, 但感覺總是很輕鬆......
另外, 落曼谷個程, captain 邀請d crew 入去睇landing, 而我咁o岩又係 door assist....係唔需要搵人replace我的情況下, 我可以入去睇landing....
結果我同另一位來自日本的同事就入左去睇landing 啦....
今次最特別的地方應該係天雨閃電的情況下landing, 同埋係上空飛緊而又發生閃電的時候, 前面是白茫茫一片....不過都係個句, 安全著陸係最重要....

 

著陸後, captain 忽然對我們說, 今天是他的生日.....wow......
一離開駕駛室, 日本人就將呢個消息傳到成機同事都知, 之後FO又去左買禮物, 上到車再送俾佢, 咁當然唔少得生日歌啦.....(其實唱緊個時, 真係好鬼死眼訓.....)
captain 就sweet sweet啦....因為佢老婆已經係曼谷等緊佢啦....
而我覺得去到曼谷最緊要就係上網, 訓覺....上網, 訓覺, 回程個日, 又係訓覺, 再shopping....都買左唔少野....仲要好平下.....

 

 睇黎今次買完, 下個week 再去應該唔洗買咁多野啦....

回到港, 過兩日又要再去, 不過今次個pattern 有少許不同, 同埋這是 roster 的, 完全冇更好offer的情況下, 都要做左去架啦....最希望loading 都好似今次咁就好lu.....
p.s 唔知我有冇係呢度講過呢? 其實每次睇landing 時, 我都係度諗: 我幾時有機會睇take off 呢? 咁多年都未睇過, 很想睇....最好日抖一次, 夜晚一次.....唉.....太貪心....

 

 同埋如果係工作的時候, 要求睇take off, 的確有點難度......總不能一返工, 就同人講:"我想入去睇take off..." 掛....所以都係幻想下好了....