兩星期曼谷機 (下)

2008.10.29 to 11.01

第 373 次飛行

來到第2 個星期的曼谷之行.....pattern 差唔多, 只係中間的 shuttle 係去colombo (可倫布)....聽聞前兩日有恐怖襲擊, 所以那班機divert 左去欽奈.....待一會兒先回到可倫布....幸好, 兩天後, 我飛的那班機, 相安無事....我地係 可倫布transit 時仲係機上訓左成個幾鐘.....
今次我係經濟客艙工作, 幸好4 程機都係唔full, 仲好 light loading 添....中間 shuttle, 去個程得 89 個客, 真好.....
雖然來回的飛行時間都只係大約3 個鐘, 但老總勁好地來回都俾我地去rest, 仲話seat belt sign on 先好起身.....(即係 descent 時) 實在太好了......
 呢位老總上次同佢飛 bangkok 都好好人, 今次仲勁, briefing 時, 佢帶左一大堆飲料同埋食物黎請我地食, 之後做shuttle, 又帶左一人一份麵同 dessert 俾我地.....谷肥我地......哈哈!

 

班機唯一令我擔心的是與其中一位同事工作....那件事發生係兩年幾前的 "發發發" 航機上....(如果大家還有印象的話).....那次之後, 我同過那個阿哥飛, 佢不但沒有同我打招呼同介紹自己, 仲成程機都對我黑口黑面, 而這次, 我就是同佢女朋友飛....assign position, 我地仲係partner 添.....梗係有d不自然....不過一場同事, 我會做好自己本份....
不過很快很快, 呢個隔膜俾佢對我的第一句說話打破了......
上到crew bus, 因為架車太細, 所以我坐左係佢隔離, 冇耐, 佢開始第一句說話: " 你去到個邊有乜野做..?" 由於我比較慢熱, 所以佢問我句我答一句咁.....
期後, 工作上都沒有大問題...仲合作得唔錯呢....
到了做 shuttle 個程時, 因為我同佢都係同一組rest..... 咁我地就飛甩阿哥自己兩個傾計.....

 

傾傾下, 傾到男女問題.....她忽然對我說她已經與他分開了....我覺得有點意外, 後來知道箇中原因.....再細談, 發覺大家諗既野都幾相似......

真想不到, 最後的結果係咁...............
再回到bangkok 時, 我地仲join 埋另外兩位同事一齊出去 massage, shopping, 食野....都幾開心架....
與她冰釋前嫌後, 我想起我interview 這份工時那位女士問我的其中一個問題: "如果你要與一位很不喜歡你的同事共事, 你會點做?" 相信我已經做到我當時的答案.....
總括黎講, 呢兩個wk 既兩班曼谷機都唔係太過辛苦......不過如果公司長期的機都係咁唔爆都幾頭痕....

傳聞的 unpaid leave, 我真係唔想發生係我身上.....如果其他同事要放, 我俾你地放埋......