"服"

2009.12.12 to 15

第 446 次飛行

本來有股衝動想將個blog 關門大吉....但最後因為某d 原因還是去了打字....=.=

大假過後, 真係好唔想返工, 我覺得以我既狀態, 應該要放多幾年假.....

anyway...大假後第一班機又係去adl...

還要係商務客艙工作....不過好彩...唔full...(竟然唔full...呵呵)

加上整個galley 既阿姐我都飛過, 其中兩位紅姐兩年前同我飛過....

點解我咁記得exactly 係邊一年邊一日, 係因為做那兩班機那段時間內發生左d 唔好既事.....

唔止我記得既, 兩位阿姐都記得....

講返班機, 整體上幾好做....(當中有個service大家擺左個烏龍....做漏左少少野....到大家去執生時...情況都幾好笑.....[因為唔想俾老總發覺....] )

而整班機, 要寫個"服" 字俾老總同埋回程坐係駕駛艙內既3 位"男朋友"...
老總是位每一秒都有野講既人...而每當諗起佢個名, 我就暗地裡同佢改左個花名...(呢度就唔方便透露啦)
起飛降落時有我entertain 佢, 而飛行期間就有紫姐entertain 佢....

連做service 時, 你每行經過佢身邊, 佢都會諗到有野同你講....

去程係 night flight, 所以情況好點...

回程 day flight....雖然得24 個客, 但由於做到main course service 時, 老總叫左紫姐坐低傾計.....=.=

同時前面兩位男朋友打電話出黎要食野....

最後得返紅姐同自己做做做...

心諗, 好彩得24 個客, 唔係 41 個客....

幸好, 這個情況去到做tea/coffee/dessert service, 紫紅兩人再次歸隊....

至於前面阿姐個3 位"男朋友",食量有點驚人....

佢地係 melbourne transit 時食左一餐....咁我地起初仲以為到我地係 mel 起飛後差唔多做完第一個service, 佢地先要第2 餐...
點知...做到 main course service 時, 要食野...
到我地做完第一個service, 再食...
之後 1 st group 既 cabin crew 去左rest 左一個鐘時, 再食...
然後我 (2nd group) 去rest, 返黎時, 再食...

之後我地開始做2 nd service, 做做下, 佢地話要食野...

基本上, 佢地大慨每個半鐘就要食野....

由 cockpit meal 到 pax meal, 再到olives, bread, cheese, fruits, dessert (cake), ice-cream, pralines, 第2 餐refreshment 既麵, 後來連economy class 既餐都想要....(當中都有發生d 尷尬既事)
勁啊......
有人說: "食得仲密過食藥..."
有人說: "食得仲密過BB...."
其實我覺得係細個兩位食得勁d....
對於我黎講, 最緊要都係佢地態度友善.....
不過由於佢地成日行出行入, 唔知幾時令到有位老外不滿.....他說: "d 死鬼佬..."....我心諗...."你自己都係鬼佬喎...."
anyway, 整班機都係愉快既氣氛完成, 只係有位紅姐因為以上既原因而做得有點辛苦.....
p.s 好慶幸自己係前面既 galley 做啊, 因為後面galley 有不少怨言....