名古屋 --> 白川鄉
這天早上8 點幾出發去乘坐兩個半鐘頭既新幹線前往金澤....
再係金澤既巴士總站買濃飛巴士車票去白川鄉....
由於距離巴士既開車時間仲有成個半鐘, 所以便到金澤站隔離既AEON 吃午餐....
大慨中午12 點半, 便踏上濃飛巴士前往白川鄉....
由於唔係旺季既關係, 車上10 位乘客都冇....
好....我就是喜歡這種寧靜既感覺.....
再加上寒冷既天氣, 更顯得孤單同寂寞.......
不知是什麼原因....到了日本之後, 總之一坐車, 我一定很快就訓著左.....
就係咁, 訓左1 小時 15 分鐘, 我終於到達白川鄉.....
一落車...一陣寒風吹過.... 嘩....好凍.........
凍都唔緊要, 最慘仲要落雨......
更慘既係我要拖著大大件既行李穿過長長既橋......再行多20 分鐘先到達民宿....
而呢20 分鐘....感覺上好似成個鐘咁......
終於到左"大田屋"....
女主人帶我到其中一間房內安頓好後, 就打開張地圖同我講展望台係邊, 去邊度浸溫泉有 discount, 商店街係邊, 同埋幾點有晚餐食, 第二天幾點有早餐食, 幾點可以去沖涼....等等...
另外, 女主人仲送上小餅乾同埋一杯暖暖既茶給我.....
女主人講解完後, 我就出發行上展望台........
其實好想坐車上去....但可惜要行返去對面岸既停車場先有車坐上去展望台....
加上睇到個指示牌話8 分鐘就上到去....所以我就相信了...
點知呢 8 分鐘只係適用於"身體強壯"人士......
對於孤菇身體向來不是強壯的人, 加上那些不是正常的石級, 有高有低, 高既石級有成小腿咁高....
行左一半....我喘氣.......
加上落雨既關係....有幾下....我差點跣腳.....
我心想....一陣點返落去....@.@
我諗我最後用了大慨 15 分鐘先上到展望台.....
望返落去個刻, 我覺得值得.............就算一陣落返山, 跌鬼死左都值得.........
係展望台上, 我影完又影.....然後去紀念品店左少少手信, 就打算花 200 yen坐15:30 最後一班車落山....
由於我還想係天黑前行埋山下既商店街, 所以只好死死氣氣行返原路落山.....
同我諗既一樣, 落山真係仲難過上山......
有幾下, 太跣.....差點失去重心.....忽然我有個奇想..........
終於安全地返落山.....
沿著商店街走走.....
不過最後只得對老外同埋孤菇著左....
其實孤菇一直都幾恨著民族服裝, 所以今次係不用收費下而有得著, 我覺得好意外.....
有機會很想著多次.....
至於那些和服照不便放係呢度啦.....
著和服既唯一既壞處, 就係著完後應該食唔落野, 因為套和服紮得好緊.....
另外我都係唔適合做日本人....坐係地上吃晚餐, 坐到我腳痺........
節目完畢後, 所有客人都去附近浸溫泉...
而孤菇打算去沖涼的, 但夜晚既天氣實在實在太凍......
最後.....我決定......唔沖!!!!!
房間有暖爐, 但訓覺既時候就一定要熄左去.....
我只好將成個人捲入被窩內.....訓覺......
起初發了個甜蜜的夢......
後來發了個大惡夢......
好鬼凍......
有機會的話, 我希望可以再一次來到這裡...
不過, 不再希望是獨個兒.....
No comments:
Post a Comment