2009.12.05
白川鄉 --> 金澤
早上7 點, 女主人準時預備左早餐俾各客人享用.....
同琴晚既晚餐一樣, 全部都係飛驒高山一帶既特產......
下面呢樣朴葉味噌用黎送飯, 十分好味....(不過有點鹹)
想不到早餐後, 女主人都有節目安排俾大家....以下兩張圖內既3 件東西都是"樂器".....不過我只係識控制下圖左邊那樣樂器.....
她唱完後, 叫我地每人都唱返一首自己家鄉既歌給她....可惜冇人肯唱.....
早餐過後, 各人都收拾行裝, 準備離開.....
臨離開前, 女主人借了隻飛驒寶寶俾我抱住影相.....
然後, 男主人就車我去停車場.....
當時落好大雨....
幸好有車....如果唔係....真係唔知點自己一個行返去停車場個邊.....
(因為今天下既雨比昨天更大....沒有車的話, 一定比昨天更加狼狽.....)
再見啦...大田屋...
再見啦...白川鄉...
大慨1 小時15 分鐘既車程, 回到金澤.........
到酒店check in 及卸下行李後, 就出發遊金澤市......
由於當時依然落好大雨, 所以我決定去醫肚先, 希望食完, 雨停, 咁就方便sightseeing....
我走到巴士總站乘周遊巴士到 近江町市場去.....
看著旅遊書既介紹, 我到了一間迴轉壽司店享用午餐.......
這市場都算幾大, 最重要既係, 呢度賣既野都比出面平....可惜我還有兩天既行程, 如果唔係我諗我會係度買些新鮮既生果回家去......
欣賞緊冬櫻時, 有過雲雨.....
雨後, 我看見彩虹.......
遊完兼六園, 便順道去隔離既金澤城走走.....
由於覺得沒有什麼特別, 加上室內參觀要收費, 所以只係出面影影相就離去....
最值得一看就係下圖既"泳池"...
由上面望落去, 真係好似個有水既泳池.....
原因是有塊薄薄的玻璃隔住左.....
所以如果係上層跳入水中, 係唔會浸死既.........
看看下面位日本人幾咁興奮.....不斷擺出唔同既pose....
(雖然有d 野睇完都唔明當中既意思....)
只係用了 350 yen 都可以睇到咁多野, 都算係咁....
最可惜既係除左上面既泳池外, 其他地方都唔俾影相.....
遊畢美術館後, 就坐返周遊巴士回酒店抖一陣......
最重要係要去沖涼.........
再等入夜後先出去吃晚飯....
前往食飯期間, 好彩發現了一條地下通道, 所以未致於搞到成身濕哂........
這天行得最多路......
還以為會訓餐好.....
點知這晚有件我認為恐怖既事發生係自己身上.....
身體忽然出現些問題.....
那刻我完全感到身不由己, 無能為力.....
我聽到聲音, 但我說不出話來.......
No comments:
Post a Comment